China Cozah Nih Zei Tik Hmanh Ah US Kut Tangah Cun Kan Um Lai Lo Tiah A Leh Nah A Tuah Ko Cang

American President Trump nih France ram a tlawn lai te ah khan China cozah cu kan ram chungah an thil luhter man cu US cozah nih kan santer t’han lai tiah a rak chim cang i,Trump nih cu bantuk bia a chim lio ah khan China president Xijing Ping cu Russia ram a tlawn lio a rak si caah zei hmanh leh nak a rak tuah lo tiah kan rak chim cang caah mah kong kha cu kan chim ti lai lo.

US le China karlak Ngunkhuai lak nak kongah Trump nih bia a rak chim mi cu China State news agency Xinhua nih leh nak a tuah i,”China ram hi zei tik hmanh ah US kut tangah a um lai lo i US nih China cu a duhning paoh in zei tik hmanh ah nawl a neih in rian a t’uanter kho lai lo”tiah leh nak a tuah.China nih US hi tibantuk in lehnak a tuah mi hi World War 2 lio i China le Japan ral lio thil umtu ning he a khat ngaingai cang tiah an chim.

 

Trump cozah hna nih cun China cu US nih $300 billion ngunkhuai an lak mi hna pin ah Trump le China president Xi Jing Ping an i chawnh hnu in Trump nih cun an ngunkhuai man cu kaiter than a si lai tiah a chim i,China nih cun US duhning in ngunkhuai man hi pe peng hmanh usihlaw cucu US nih zei tik hmanh ah a zaa a ti lai lo i,kan ruh tiangin feh dih an duh te lai.cu caah US cu China nih a dih dongh tiang bak in kan doh ve cang lai tiah an chim.

Cun US nih China ram chung thil a chuak mi kongah zei hmanh i ceih khawh nak le hlawknak hmuh a timh ve awk a si lo.cu bantuk hlawt nak le t’hatnak a hmu ding in nawl ngeihnak zei te hmanh a nei lo.US cozah rian t’uan ning cu vawlei pi nih a theih cuahmah cang hna.cu caah a doh tiangin kan doh ve cang hna lai tiah an chim.

Source: BBC

Author: Salai Ephraim