Chinese technology giant Huawei hna nih cun an company chawlehnak konghe pehtlai in America nih harsat nak a pek mi hna cu mithil a si lo ah miram ta cyber-attack hack piaktu ah a puh t’han hna.
Cu pin ah China,Huawei company hna nih cun America nih kan company rian t’uantu hna cu an mah nawlngeihnak hmang in le an thilti khawh nak hmangin ningcanglo in an hrocer hna tiah a chim.cun, America nih Huawei company doh nak ding caah a lamkip in dohdal le kham an kan timh.mah ti bantuk in America nih Huawei company cungah rian a t’uan mi cu ningcanglo thil a si tiah a chim.
Asinain China,Huawei company nih America cozah sin ah sual phawt nak bia a chim mi ah China nih tehte pakhat hmanh a ngei lo.curuangah cun America FBI hruaitu hna nih cun America ram chungah Huawei company thil konghe pehtlai in rian a t’uantu vialte hna cu a rauh hlan ah China ram ah an kir khawh nak dingin tawlrel an si.cucu America le China karlak company information caah hman an si fawn lai tiah a chim.
America nih a luancia May thla in China Huawei company hna cu America ram caah mihim an si lo a ti ruangah blacklist ah a rak chiah hna.cu tlawnpal in China thilchuak zei maw zat hna cu a ram chungah a zuarter duh hna lo.curuangah a tu bantuk in China company neitu hna nih America cu a thar in sual an phawt t’hna.asinain hi kongah America nih zei hmanh leh nak taktak a tuah rih lo.
Source: BBC
