China Nih North Korea Sin Ah Bawmhnak A Pek Mi Cu An Hnawl

China nih an kuat dingmi covid-19 Sinovac vaccine dose 3 million deng cu North Korea nih a cohlan duh lo tiah theih a si.Hi Covid sii hi ram sifak mi hna bawmhnak caah COVAX timhtuahnak pakhat tangah tuah mi a si i, North Korea nih covid sii hna cu covid sii aa cawk kho lo mi ramdang hna pek deuh dingin a hlawt tiah UNICEF chimnak nawlngeitu pakhat nih Asian News ah a chim.

N.Korea, Pyongyang nih AstraZenca covid sii 2 million deng cu July thla ah khan a cohlan duh lo pinah Russia nih an ram ser mi Sputnik covid-19 runvennak sii bawmh a timh mi zong an rak hlawt cang.North Korea hi covid-19 zawtnak a chuah le cangka nikum January thla in an ram ramri vialte le ramchungah lockdown a tuah hmasabik mi a si.

WHO report ningah North Korea nih August 19 tiang an ramchungah covid-19 zawtnak a um tiah a langhter duh lo tiah a ti.South Korea spy agency le Institute for National Security (INSS) nih an chim ningah Pyongyang nih hin covid-19 runvennak he pehtlaihin timhtuahnak tha a ngeih lo ruangah China vaccine hi a cohlan duh lo mi a si lai tiah an ruah.

South Korea nih covid-19 dohnak kongah pehtlaihnak tha le tuanti nak ngeih dingin a sawmnak zong a cohlan lo pin ah an ram ah covid zawtnak a um lo tiah a pheh tiah theih a si.North Korea nih kan hnu thla in covid-19 hlathlainak tuah ding caah an ram thiamnak he anmah tein ser an timh lio a si tiah theih a si.

Source: the Hindustan times