North Korea hruaitu Kim Jong Un he Ca buaicung ton biaruahnak neih ding in le lungduh bia i ruah dingah China president Xi Jinping nih North Korea ram ah a va tlawng.China ram hi Communist Party of China an si hnu in a tu hi a voi khat nak president Xi Jinping nih North Korea ram chung a luh a si pin ah kum 14 chungah a tu hi China nih a voi khat nak North Korea ram a luh a si fawn tiah an chim.
China president Xi Jinping nih North Korea ram a kal lai teah hin thawnglatu hna sin ah hi ti’n a chim,”China ram nih cun North Korea ram he zei bantuk thil paoh i tuarpi dingah le chiat ah chiatt’i, t’hat ah t’hatt’i dingin timhica kan si cang”tiah a chim ta.cun a tu hi cu konghe pehtlai in North Korea ram hruaitu Kim Jong Un cu tong dingah ka kal lai tiah a chim.
China president Xi Jinping nih North Korea ram ah nihnih chung a cam lai,cu chungah cun Kim Jong Un lawng si lo in North Korea ram Official pawl dangdang hna zong lungduh biaruahnak neihpi a timh hna i North Korea le China ram,kaphnih ram ipehtleihnak le rian t’uant’i khawh nak dingah biatak tein ceihpi t’han a timh hna tiah an chim.
China president Xi Jinping nih rian a t’uanpi mi hna ram vialte hna lak ah North Korea ram hi a pakhat nak ah a chiah mi ram an si.cu ve bantuk in North Korea ram zong nih China ram cu midang hna nak in micung cuangah a chiah mi ram an si ve.asinain Trump le Kim Jong Un nih Ca buaicung ton biaruahnak a voi khat nak an rak tuah hnu in an karlak ah i theihthiam lo nak thil zei maw a rak um i cu ruangah cun a tu hi China nih North Korea ram a luh nak cu a si tiah an chim.
Source: BBC
