China president Xi Jinping cu Nepal ram ah a tlawng i Nepal ram a tlawm nak ah hi ti’n a chim,”Mizei an si hmanh ah China ram thingphang in a tuahtu hna le China ram dohkalh in rian a t’uantu hna cu an mah te in thih an i ham ti nak a si lai”tiah a chim.China president Xi Jinping nih Nepal ram ah vawlei pi theih awk in mah bantuk bia a chim nak hi zei dang ruangah si lo in Hong Kong le Taiwan ram karlak buainak ruangah a si tiah Chinese foreign ministry nih a chim.
China president Xi Jinping nih hin Hong Kong le Taiwan ram hna cu China ram i a pum cheu bantuk ah a ruah caah a si tiah Chinese foreign ministry nih a chim fawn.Hong Kong tualchung buaibai nak hi zawr lei panh lo in a linsa chin lengmang pin ah Hong Kong cozah nih sual a phawtmi hna nih an tleih mi minung hna cu mainland China ah kuat dih dingin “extradition bill”an mah cozah sinah kuat tthan nak bill an tuah t’han i Hong Kong khuapi chungah thih ngamh in an au khuang t’han.
China president Xi Jinping nih hin a duh a si ah cun a cozah ralkap thazaang hmangin Hong Kong tualchung buaibai nak hi fawi tein a sersiam khawh ko.asinain China nih cun Hong Kong tualchung buaibainak cu an mah Hong Kong palik pawl hna cu an tawlrel khawh lai tiah a ruah hna.cun, Taiwan ram nih hin an ram chung khuapi Taipen khuapi chung an parliament zung hmai ah minung 2000 tluk hna nih Hong Kong tual chung buaibainak kongah Hong Kong cozah si lo in mipi duh nak tu kan cohlan deuh hna tiah an rak au ve.
1949 lio i Taiwan ram ah “Civil war”a rak chuah hnu in China ram nih Taiwan ram chung (Island) tikulh khua cheu khat hna cu an mah chung ah a khumh hna pin ah China mapp chungah a tarlangh hna.cu pin ah a China nih Hong Kong le Taiwan ram hna cu a mah ram bantuk in a zoh fawn hna.hi ruangah hin China president Xi Jinping nih hin Taiwan le Hong Kong nih China ram chung mi le sa an sinak in chuah an i timh a si ah cun an mah le an mah an i thah bantuk a si lai tiah a chim duh mi a si.
Source:BBC