Kan thei bantuk in Nepal ram hi vawlei cung ram vialte hna lak hmanh ah ram sifak taktak mi an si pin ah kum fa ti’n ti awk in an ram chungah thlichia le tilet nih a den peng hna.an ram an harsat tuk ruangah Nepal ram chung fimthiamnak a cawngmi hna Ca chimtu hna zong an i deih bak ve loh.cu lio ah cun China cozah nih Napal ram chungah cun an mah holh le Ca cawngter dih a timh ko cang hna.
China cozah nih cun Napal ram chungah private Sianginn dirh in cu a dirhmi Sianginn ah Ca chimtu hna cu an mah China cozah zong nih an thla hlawh man liam piak dih a timh hna.hi thil kongah Napal cozah zong nih a t’ha tiah a ruah.a ruang cu a ram a harsat nak ruangah a ram mi hna Fimthiamnak a cawngmi hna hi ramdang mi Fimthiamnak lei ah an tlak tuk ruangah a si tiah an chim.
China cozah nih Napal ram chungah Sianginn dirh a timh mi hi a min ah cun’Mandarin’tiah a sak i,hi Sianginn a dirhmi ah Napal ram Nu le Pa hna zong an fa le hna cu tampi luhter dingin an i tim cang tiah an chim.asinain China nih Napal ram chungah hi Sianginn a dirhnak konghe pehtlai in Curriculum Development Centre (CDC) hruaitu hna nih cun hi thil hi ningcanglo thil a si tiah a chim.
Curriculum Development Centre (CDC) nih cun Napal ram chungah ramdang Ca le holh hna cu cawn le theih cu kan duh mi a si ko,a mah belte China cozah nih a mah Caholh lawnglawng cawn ding a ti ah cun thil si kho lo mi a si.cun mah bantuk in China nih private Sianginn a dirh a si ah cun ningcang te in Ca cawng lio Siahngakchia hna cu a zoh khenh kho hna lai maw?mi ram dang chungah China nih Chawva a neih ruangi mah bantuk thil a tuah mi cu thil dawhcah a si lo tiah a chim.
