China Ram Thongtla Minung Za Le Sawmsarih Hna Cu Min Aung Hlaing Kut Ah Kuat An Si

China Ah Myanmar Mi Thongtla 170 Cu Ramri Gate In Myanmar Ah Kuat An Si.China ah csae phunphun in tlaihkhih a tong mi, Myanmar mi 170 cu nizan May 19 ah Myanmar le China ramri gate in Myanmar lei ah kuat an si, tiah theih a si. Shan ram thlanglei Musae-Jaygawng(ကျယ်ဂေါင်) gate Nandaw in pa 116 le nu 54 cu Myanmar lei ah an rak kuat hna.Kuat a tong mi Myanmar mi hna cu China, Guangdong ramkulh Guangzhou(ကွေ့ကျို) Huiyanh thonginn ah thong a tla mi an si, tiah Myanmar mi hna bawmchantu nih an chim. Tutan China nih thongtla a kuat mi hna hi tukum 2022 chung ah China nih ramri gate in Myanmar thongtla a voikhat a kuatnak a si.

Relchap: May 18 Karenni peng Tehbawbu SAC Ralkap sakhan cu KNLA nih an lak caah SAC Ralkap 10 cu Thailand ram ah an zaam i Thailand Ralkap nih an tlaih hna tiah thawng kan theih.A zaam mi SAC Ralkap 10 hna cu a tu hi Meesoh မဲဆောက် ah an chiah chung hna i kaphnih kar ceihmainak an ngeih lio a si.A zaam mi SAC Ralkap hna nih cun kan ram ah na kan kuat ṭhan si cun kan pu le nih dan a kan tat lai caah kuat ṭhan ti lo ding in nawlnak an tuah tiah Thailand Ralkap nawl ngeitu hna sin in theih a si.Tehbawbu SAC Ralkap sakhaan laknak ah hin KNLA nih SAC Ralkap 6 an nung in an tlaih hna i hriamnam tampi zong an lak.

Khuabawi Le A Kuttang Pawl Meeting An Tuah Lio Ah Kah An Tong, 3 An Thi.NgiangOo peng OhHnget khua ah nizaan May 19 ah Khuabawi U San Ye le a kuttang pawl cu a inn ah meeting an tuah lio ah kah an tong i 3 an thi tiah theih asi.” Nizaan chun slm 12 hrawng ab meeting an tuah lio ah an kah hna tiah kan theih, Hliamtuar pawl cu NgiangOo siizung ah an kal pi hna i ,Khuabawi pa cu a thi lo a kuutang 3 tu an thi, thil sining diktak cu ka hngal thlu lo ” tiah tualchung mi pakhat nih a chim.A thi mi 3 hna cu Khaing Zaw, Kyaw Kyaw Maw le Maung Myint an si theih a si ,Hi Khuabawj le a kuttang pawl kahnak kong ah Maylat PDF, TTA Guerilla , Seven People Defense Force (SPDF), Pagan Guerilla Force(BHGF), 27 Revolution Force(MGN) ttangtti hna nih kanmah tuah mi asi tiah Social Media ah an tar langh.

SAC Ralkap Hriamngan Phungki Sianginn Ah Tla, Nu Pakhat A Thi, 6 Hliam An Tuar.Sagaing ramtthen, Kata peng, Pelan khua phungki sianginn ah SAC ralkap nih kah mi hriamngan a tla i nu pakhat a thih pin ah phungki 4 tel in minung 6 hliam an tuar.A nunnak liam mi nu cu NgaOo siizung inn Shweku siizung lei an lanh pi lio lampi ah a hliamhma in a nunnak a liam tiah Kata Pah Kah Phah nib nizaan May 19 zaan ah a thanh.May 19 ah Htichaih peng in a rak kai mi SAC ralkap hna nih Kahta peng Innkye khua le Alayyat khua inn pawl an khangh hna pin ah Tapyitha khua chung ah hriamngan an kah i inn pakhat zong a rawk, Inn zeizat dah an khangh timi tucu hngalh a si rihlo.

Myanmar Ram Pumpi Nikhat Chung Kahdohnak Ah SAC Ralkap 22 An Thi.Myanmar ram pumpi huap May 19 nikhat chung kahdohnak ah SAC ralkap 22 an thi i, SAC ralkap ralkap a nung in 6 an tlaih hna.PDF 2 an nunnak a liam ve i 5 tlaih an tong ve tiah Khit Thit Media nih a langhter.Khit Thit Media nih cazin a khawmhsuat ning ah SAC ralkap a thi mi hna cu ,Kayin ramkulh, Tehbawhbu ah minung 6 a nung in an tlaih hna , Sagaing ramtthen MinMu ah 1 , Tanintharry ramtthen Tanintharyi peng ah 5 , Yangon ramthen, Hliang Tharyar, Than Hlin ah 1, Sagaing ramthen Yee Oo ah 3, Sagayramthen, Ayartaw 5, Sagaing ramthen, Monywa ah 1 tiin an dihlak 22 an thi i Karen ramkulh Tehbawhbu ah PDF 2 an nunnak liam ve. Yangon ramthen, Hliang Tharyar, Than Hlin ah PDF 6 an thlaih hna tiah Khit thit media nih a langhter.

Nawlngeihnak Laak Hnu Ni 473 Chung Ah Minung 1850 Nunnak A Liam Cang!AAPP nih May 19, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 473 chung ah sualnak ngei lo minung 1850 thah an si cang, tiah theih a si. Tlaihkhih a tongmi dihlak hi 13,759 an si i, tlaih ding in nawlchuah a tong mi 1979 an si. SAC ralkap nih mi nunnak a laak mi hna chung ah Yangon in nunnak a liam mi tambik an si.

Credit: The Chin Post

Author: Salai Ephraim