Kan ram harsat nak ruangah kan Chin miphun cu hmun kip ram kip ah kan i t’hek i kan mah le ram Inn lo hmanh hngak thiam lo i miram dang ah kan pawcawm nak caah tiin sal rian kan t’uan i nesawh, thlanglamh vialte kan tuar pin ah mi nih an tawnghtham duh lo mi le an tuah huam lo mithil vialte hna cu va t’uan in kuli rian kan si khawh tawk in kan t’uan cio.
A bik in Chin miphun hna kan phak nak ram le khua vialte hna lak ah Malaysia, China, Singapore ram um mi hna hi zaangfak khun mi an si. miphun pakhat chungah cun mit’han karlak ah michia, nuncan ziaza t’ha lo tampi cu rak um phung a si ve ko. hi ram a um cuahmah mi Chin miphun hna hi cu chun zaan in thingphang taktak an si.
Facebook account pakhat i a langhter mi (Sofia Cer Hlawnceu )FB account nih cun an mah timeline chungah hi ti’n a t’ial,”China ram chung um mi Chin mi hna cu kan i ralrin taktak a hau cang, mi sin um i hlawhfa in rian kan t’uan ah si seh,company rian t’uan mi kan si ah si seh,China ram chung a um mi paoh hna cu a cozah nih tleih dingin biachahnak an tuah tiah a chim”cun Chin miphun kan um nak le kan rian tuan ning a cozah sin ah theihternak a tuah kho mi hna cu a cozah nih lawmman phaisa ka pek hna lai tiah an chim a ti.
Hibia hna hi Sofia Cer Hlawnceu nih cun ka um nak Inn neitu ka Pu le ka Pi nih an ka chimh mi a si tiah a chim i,China ram chung ah ramdang mi a hlawhfa mi hna kongah a cozah sin i report a pe tu hna cu an thla hlawh 800yan an pek hlei ah an thlahlawh cu kaiter cuahmah a si lai tiah an ka chimh a ti.
