A tu lio online in a linsa ngai mi le Chin mipi kan buai ngaimi cu AA hriamtlai pawl hna kong hi a si.Chin mipi awka in a chuak ngai mi cu zei ruangah dah CNF nih AA hriamtlai pawl hi an zoh sawhsawh hna? an kah hna awk a si lo maw ti mi biahal nak hi a si.hi konghe pehtlai in CNF Gen. Solomon Thangding nih a chim mi hi t’ha tein rak rel law? mipi nih a herh lo mi bia kan chim len awk a si lo cu na fiang ko lai dah!
CNF Gen. Solomon Thangding nih a chim mi cu Paletwa myone chung i Rakhine ralkap AA le kawl cozah an i tuk den nak a ruang cu a kawl cozah ralkap hna le AA hriamtlai pawl hna karlak an i pehtlai ning le an sining hoih in a kap mi an si caah CNF he buaibainak a um lo.a kawl cozah ralkap le AA hriamtlai pawl hna karlak thil kongah a buai mi an si tiah a chim.
Kawl cozah le CNF nih remdaihnak/Lungtlinnak sachoh an rak tuah lio ah khan Chin ram kulh chungah a cozah ralkap le CNF ralkap hna lawng nih hriamnam an i tleih khawh lai ti mi a rak itel.cu ruangah cun Paletwa myone chungah AA nih an mah thu in hriamnam an i tleih mi cu CNF sin lo in a kawl cozah nih an tawlrel awk a si tiah a chim.cun, Zomi/ Tidim lei le Thantlang lei lawngah a kawl cozah nih um nak nawl an kan pek.culio ah Chin ram a si mi Paletwa myone chungah AA nih zalong ngai in an cawlcangh mi cu CNF kan thinlung cu a fak ngaingai ko.asinain hi thil cu a kawl cozah he remdaihnak kan rak tuah mi chungah a tel mi a si caah kawl cozah ralkap nih an tawlrel awk a si tiah a chim.
Cun, Paletwa myone chungah CNF pawl hna hi saupi kan rak um bal cang.kawl cozah he remdaihnak kan rak tuah lio zongah Paletwa myone chungah um khawh nak nawl kan rak hal chih ko hna na in a cozah nih a rem an kan ti lo caah Paletwa lei ah kan um ti lo nak a si.a kawl cozah he remdaihnak sachoh kan rak tuah lio hrimhrim in Chin ram chungah cun mi zei hmanh hriamtlai an um lai lo kawl cozah le CNF lawnglawng hriamtlai in an um kho lai ti a si.a mah belte Paletwa ram chungah thil a cang mi hi t’uanvo neitu hna nih biatak tein a tawl rel cuahmah lio zong a si tiah a chim.
Paletwa ram chungah CNF ralkap kan rak um lio ah cun AA hriamtlai pawl lawng vun chim lo in Bangladesh ram in a rak lut mi mit’ha lo le misual hna zong mi zei hmanh an rak um lo i buaibainak zong an rak tuah ngam bal lo.hi thil kongah Party hruaitu pawl hna zong nih CNF nan cawlcang lai lo maw tiah ram dang um mi hna tiang in an kan hal?asinain hi thil kongah a herh ning in rian t’uan dingah tawlrel cuahmah mi a si ko tiah a chim.
Credit: Free