Chinmi Pakhat Cu AA Hriamthlai Pawl Hna Nih Thah Dingin An Kawl Cuah Mah Thinphang Ngai A Si

Chin ram bak a si mi Paletwa khaupi chung um mi Chinpa pakhat nih cun tatmadaw ralkap le AA hriam tlai pawl hna konghe pehtlai in online Social media hmang in thawngzamhnak atuah tawn caah,AA hriamtlai pawl hna nih tatmadaw ralkap le kan mah kar lak kongah ningcanglo in thawngzamhnak na tuah caah kan in thah lai tiah cu pa cu an kawl cuahmah tiah an chim.

Hi konghe pehtlai in Myanmar City news nih a chim ning le a langhter ningah cun AA nih an kawl mi le thah an timh mi pa hi Paletaw khuami a si a min ah Steven Tlangchy ti mi pa a si.cun AA konghe pehtlai in thawngzamhnak a tuahtawn tik ah AA pawl hna nih an theih i online chungin ralrin nak zong an rak pek bal cang mi a si.

 

AA nih cun Steven Tlangchy cu kan in hmuhnak kip ah thah na si lai tiah an hroncer i Steven Tlangchy nih a hman mi a mah pumpak FB account bak zong in voi tampi an hroncer i Ca zong an kuat cang tiah an chim fawn.

Cun Steven Tlangchy nih hin AA pawl hna cu kawl ralkap lei t’ang an si pin ah Rakhine ram le mipi rawh nak ding in rian a t’uan cuahmah mi an si tiah fake account in thawngzamhnak a tuah.hi pin ah AA ralkap pawl hna cu an si ning lo deuh in tampi thawng zamh nak a rak tuah ruangah AA nih hmuh nak paoh ah thah ding in thawngzamhnak an tuah ve hi a si tiah an chim.

 

Credit: Myanmar City Upadate News

Author: Salai Ephraim