Human trafficking hi a kawl cozah le biaknak lei si lo in vawlei pumpi nih a doh cuahmah mi a si.Phungning lo in Kawlram in Singapore ram ah kumtling lo a kalter tu hna puaisa lak ah Chin miphun hluttaw palai rian a rak t’uan cang mi pakhat a tel ve.phungning lo in Kawlram in Singapore ram ah a kal mi hna muicawl video cu Aljareeza news nih mipi hmuh khawh awk in a vun thlah tik ah cu video cu Aung Min timi pa nih a leh i mipi nih hmuh awk in a thlah chin.
Cu tibantuk in video a thlah mi chungah cun Chin miphun nih kan zumh ngai mi le kan miphun aiawh in Pyithu Hluttaw palai rian a t’uan mi hna chung in minung pakhat a rak i tel ve.hi video chungah hin kawl miphun a si mi kum tlinglo Cho Cho ti mi le a mah Nau a si mi Nu pakhat Nute cu Singapore ram ah an phan i a Nau nute cu a um nak nih an hrem tuk ruangah inn dot cungin a zuang in a tla in a thi.a thi mi Nute a kuatu hna hi Global Manpower Agency pawl hna si dawh an si.
Cun, hi Global Manpower Agency company hi a luancia kum 2015 hlan paoh kha cu Chin ramkulh in Pyithu Hluttaw palai rian a t’uantu U Zung Hlei Thang nih Managing Director rian a rak tleih.asinain Chin ramkulh Pyithu Hluttaw palai U Zung Hlei Thang nih hin kum 2015 in a rian cu midang kut ah a pek hna.video an post tu nih a langhter ningah cun Chin ramkulh Pyithu Hluttaw palai U Zung Hlei Thang nih hin kawl cozah phunghram pi cu 2014 lio ah a buar tiah a chim.
Atang teah a muicawl video a link in kan chiah rak hmet law rak ngai ve.
https://m.facebook.com/story.php?story_fbid=348102782457161&id=114993045768137
Cun,Pyithu Hluttaw palai U Zung Hlei Thang nih mah bantuk rian a t’uan mi hi kawl cozah nih pakhat taktak hmanh an theihpi lo i a mah pumpak chawhlehnak a tuahmi a si tiah a chim fawn.Kawlram in Singapore ram ah a kalmi hna konga rian t’uan tu Daw Mar Mar Oo nih cun Singapore ah phungning tein kal khawh a si ko i Kawlram in company pakhat khat nih phungning tein Singapore ram ah mi an kuat hna a si ah cun Singapore ram zongah felfai tein an tawlrel hna awk a si tiah a chim.
Credit: Pa Hram