Chinram Biaknak Cu NLD Cozah Nih Duhsah Tein Hrawh Or Rawhdih Ai Zuam

Chinram Biaknak cu NLD nih duhsah te in hrawh ai zuam/Tu hnu kum4 NLD Nih Chinram cozah atleih tthan ah cun Khrihfa kan ttap dih te lai/Chin mi cu khrihfa kan si caah biaknak lei aduh mi le ai pe mi miphun kan si ve/ Tlangpar kip le Biak inn kip ah Vailam tah aphun mi kan si/ Kan mi phun si nak le khrihfa kan si nak Samples ( alanghter nak ) pakhat ah kan i chiah mi a si ve.

Tu tan ah Plewah peng Vailam tah Tungpi cu NLD cozah nih nan hrawh lai tiah Ca an pek hna ti thawng cu Chin ram avan cul dih hoi cang/ Aluan cia mi ah ( ralkap) cozah nih Matupi Peng ah million )dih in An phun mi vailamtah zong an rak hrawh piak hna i thong zong ah an rak thlak cang hna/Chin mi kan lung afiang ngai ngai ko cang/ NLD cozah le Ralkap cozah pakhat hmenh ai dang lo/ duh sah deuh in rian an ttuan mi lawng lawng ai dan nak asi/ NLD cozah Daw suh nih hin Ralkap nawl lo in rian arak ttuan hrimhrim lo.

Cucaah 2020 thim nak ah NLD cozah nih chin ram ah Cozah nak an tleih tthan ah cun Kan Biaknak cu atlau cang lai:/akan hrawh piak dih cang lai/Cu lawng si lo in khua ruah ah lung afak tuk mi pakhat cu Kawl pawl le NLD cozah nih hin an duh nak poah ah Kawl PURA cu an ser / an chiah mi ruah ko ah hin lung afak khun/ Khrihfa mi Vailam tah cu akan hrawh piak dih fawn//Stop destroys ! Our Lovely’s Cross Chin Democracy party / Chin party nih biatak te in kan doh piak uh.(Credit:Saisih TlaangAu Page)

Relchap>>Tlangcung miphun thinlung laimu!Tlangmi nih mah ten khuakhannak nawl (self-determination) kan ti tawnmi cu pohmah §188 nih upadi sernak nawl (State Legislative List) a pekmi “Schedule Two” le pohmah §254 nih ngunkhuai kholhnak nawl (Taxes Collected by Regions or States) a pekmi”Schedule Five” phun he hin thukpiin aa pehtlai. Tlangmi nih mah tein itawlrelnak le uknak nawl (self-rule) kan ti tawnmi cu pohmah §261 zon i vuncichoh thimnak nawl phun he hin thukpiin aa pehtlai. Vuncichok mah ten thimnak nawl ngeih cu mah tein Acozah sernak nawl le uknak nawl neih kha a si caah “self-rule” ngeih zong a hun si.Cucu tlangcung miphun i kan thinlung laimu zonah a ummi kha an hun si tawn. Thisen thlet in kan khel tawnmi kan hmuitinh zong kha an si tawn i kan caah a biapi ngaingai.

NLD nih §261 remh hi a rak dirpi tawn USDP Acozah chanah NLD nih 2008 Uknak Phunghram chungah remh an duhmi tete cathluan saupi (NLD’s Analysis and Recommendations for 2008 Constitution) an rak pek bal i pohmah §261 hi remh in President nawl sitiloin ramkulh nih anmah tein vuncichoh thimnak nawl nei cang hna seh, tiah an rak chuahpi.Cu hnuah July 2015 ah U Shwe Maan phu USDP nih 2008 Uknak Phunghram remhnak (Bill) kha Pyidaungsu Hluttaw ah an rak chuahpi lioah NLD cu MP 44 hrawng a rak ngei. Ramkulh nih mah tein vuncichoh thimnak nawl pohma §261 cu Pyidaungsu Hluttawh ah thimfung an hun thlak tikah MP 66% nih remh duh leiin mee an thlak. MP Daw Aung San Suu Kyi pumpak le NLD MP dihlak zong nih remh duh leiin an rak thlak ve (a tang ka thil chihmi hi a si). Nain ralkap MP le USDP MP cheukhat nih remh an rak duh lo caah 75% naktam a rak tling kho lo i pohmah §261 cu remh kho loin a rak sung.NLD zong nih hlan lio cun pohmah §261 cu remh dingin a rak dirpi tawnmi kha a rak si.

Cozah a tlaih hnuin NLD nih §261 remh a duh ti lo.2015 thimnak ah Arakan State Hluttaw ah ANP (Arakan National Party) nih a tei nain NLD nih central Acozah a hun tlaih i ANP cu Arakan Acozah sernak nawl a pe duh ti lo. Naypyidaw leiin NLD nih a duhmi vuncichoh a hun chiah. §261 remh a duhnak lungput kha a let ṭhan.USDP le Ralkap palai hna nih §261 remh dingin Pyidaungsu Hluttaw ah an chuahpimi cu NLD nih a hlonh piak hna2008 Phunghram Remhnak Zohfeltu 45 committee ah tlangcung party dihlak nawn nih §261 remh dingin an chuahpimi cu NLD nih a hnonpiak dih hnaTulio Pyidaungsu Hluttaw ah 2nd Amendment Bill of 2008 Constitution cu NLD hruainak in an chuahpimi ah §261 remhnak kong cu NLD nih a telh duh ti lo.Ralkap nih §261 remh an hung duh ṭhanUSDP cu hlan deuhin §261 remh an rak duh cang caah tutan ah remh an duh hi thil thar khi asi ti lo nain ziah ralkap nih §261 remh an rak duh tawn lomi kha tutan ah an duh ṭhan timi hi ruah awk a um tawn. Hihi a ruang a um caah asi. Pohmah §261 ruangah ANP kha Arakan ah Acozah sernak nawl an hmuh lo hnuah:-

 

NLD vuncichok hruaimi Arakan Acozah le ANP speaker hruaimi Arakan Hluttaw rian an ṭuanti kho ti lo. NLD vuncichok hruaimi Shan Acozah le USDP speaker hruaimi Shan Hluttaw kar rian an ṭuanti kho ti lo. Harnak le hnahnawhnak tam ngai kha kum 5 chungah a chuak. Ram ṭhanchonak caah donkhantu ngai asi kha an mit bak nih a hmuh. A ralaimi ah ANP bang ramkulh cio-ah tlangmi party nih teinak an hmuh cio i anmah nih Hluttaw an uk nain Naypyidaw leiin Acozah kan chuh peng hna ahcun buainak le hnahnawhnak a tam chin lai ti kha an phang”Arakan Hluttaw ah kan tei komi hmanh Acozah kan ser khawh locun ramkhel lampi chungin tuah khawhmi lampi cu a pit cang” tiah hnabeidongh nak nih “hriamnam putin mah tein uknaknawl khel lawng hi a tang ko cang” tiah Arakan Army thapek duhnak le Arakan phunṭanhnak thinlung kha Arakan miphun thinlung ah tivipi lianh bangin a vun lianhter tuk colhmi kha ralkap nih fiang tein an mit in an hun hmuh. Arakan kutin an nunnak tampi zong kha a liam. Tlangcung hmun dang zongah mah bantuk lungfahnak le thinlinhnak hi a tlung ve te kho, timi an lung a hun pem.Arakan ah ANP Acozah sernak nawl pek lo ruangah Tlangcung miphun dang he zong zumhlonak a rawk chin lengmang i daihnak le remnak a hnursuan phahmi zong kha an hun hmuh. Federal phung umtu zong an hun pemh deuh ve lengmang tikah “cunglei in hi zon kan kham hna hi cu kan luan deuh ko” ti zong khi hun hngal pah dawh in an hun lang.

Cu ruangah hmasa cun ralkap nih §261 kan remh cun ramtang hriamtlaibu nih vuncichok cu duhpoh in an mongh lai caah remh kan duh lo an rak ti tawnmi kha “India bangin Naypyidaw leiin Governor kan hun chiah lai i nan mah te in CM cu nan i thim ve lai” tiah Kawl ral bawizik nih a hun chim ṭhan. §261 remh ding zong cu an lung aa hun thleng ṭhan i anmah bak nih Pyidaungsu Hluttaw ah biasu an hun chuahpi. Ramkhel thil a cangmi tete nih a hnuh chih hna caah khan a hun si.NLD nih §261 remh dingin a dirpi hi a herhMicheu nih “pohmah §261 remh ahcun ralkap le USDP nih ramkulh ah Acozah an ser lai caah NLD nih remh a duh lomi hi a dik ko” tiah an ti. Hihi a pial sual deuhmi ruahnak a hun si in a lang.Democracy phung a dirpimi nih cun thimnak a teitu nih Acozah sernak nawl zalong tein an ngei timi (principles of democracy) kha a hmasabik ah a pom khawh a herh. Tlangcung miphun party an si zongah USDP an si zongah mizapi nih an duh hna i an thim hna ahcun zalong tein Acozah sernak nawl an ngei ve, timi democracy phung kha lungthin tak tein a upat i a cohlan khawh khi a herh.Ralkap cu 25% lawng Hluttaw ah thazaang an ngei. Amah lawng in Acozah a ser khomi an si lo. Mipi kut chungah 75% a um. A let tampi in a tam deuh. Mipi cungah zumh ngamnak chiah ngam kha a herh. “Anmah kuangah mee nan sanh ahcun ralkap he Acozah an serti lai” timi mipi nih an theih phot ko ahcun mipi hi kan hrut hna lo, mee an pe hna lai lo.mipi hi zumh ngam kha a hau.§261 remh cu Federal phung le Self-determination (tlangcung miphun i an thinlung laimu) upat le dirpi asi. Federal phung a aupimi taktak an si ahcun a hmasabik cemah §261 hi remh a duh awk kha a hun si. Tlangcung miphun hna he idawt le an zumhnak co a duh i rualremnak le daihnak serpi a duh tak hna ahcun tuahserhnak in an cungah a langhter bangmi a um hrim kha a hau i, khua kaupi a ruah khawh kha a herh.

A dikmi dirhmun ah fek tein dir ngam hi a herh.Pohmah §261 remh kongkau tel loin 2008 Phunghram remhnak kong ceihhmai khuakhannak hi cu tlangcung miphun caah cun sullam a ngei lomi le thawtnak aa tel lomi a hun si. Ngalhriang cu Zatlir nih thalphiar in a kahmi lu kan tlunpi zongah Zahuat nih thalpak in a hrilhmi lu kan tlunpi zongah aa khat ko. Pohma §261 cu NCA lampi (political means) in kan hei remh te zongah Hluttaw innchung (legal means) in kan hun remh khawh zongah Tlangmi caah aa khat ko. Tlangcung hriamtlaibu zong nih tlangcungmi party vialte he dirti in ralkap nih remh an duh lio caan te-ah pohmah §261 remhnak kong hi fak deuhin kan neihmi lampi hmangin kan nor ve hna hi a herh tuk lio caan a hun si. Cucu a dikmi dirhmun kha a si.NLD nih §261 kongah Acozah a tlaih hnuin a dirhmun aa let ṭhanmi hi cu Naypyidaw leiah Acozah a tlaih hnuin an lung a hung pem chom i, tlangcung miphun uk peng khawhnak caah khua an khanmi kha a hun si i, fakbik in tlangcung miphun thinlung a laimu an hun khondennak le democracy phung an buarnak zon a hun si caah fimkhur tein komh thiam kha an hun hau ngai lai. Tawnggyi conference lioah tlangcungmi party hruaitu vialte nih U Nu Acozah cu Federal phung an rak nor lioah Chin vunci nih “1947 phunghram remh cu Tlangcungmi caah a ṭha lo” tiah U Nu Acozah lei tu-ah a rak dir bal. Cu nih tuanbia ah a min a dawhter kho theo lo. U Nu huham lonh ngam loin dir a herh lio caanah a dikmi dirhmun ah a rak dir kho lo.

Pohmah §261 remh duhnak tlangcungmi party vialte nih lungrual tein an dirpi dih lio caanah tlangmi si ko na rawraw in “ramkulh nih mah tein vuncichok i thimnak nawl §261 neih hi cu a ṭha lo” timi ruahnak cu thudoh-bama (their bama) hna lungput luanning in a pial sual deuhmi asi in a hun lang. Pohma §261 remh an duh lomi cu ralkap nih tlangram ah Acozah an ser sual lai timi an phanmi khi a bikin silem loin tlangcungmi party nih an ramah Acozah an ser sual lai timi lam an hun kham duhmi le an hun phih duhmi tu khi a hun si deuh. Kum 70 chung a min phunphun in Kawlmi uknak tangah kan um cang hnu zongah khuang an tumnak zonah zonh awk maw, zonh lo awk, ti zong thleidang thiam theo loin tlangcungmi lakah a lam duhmi kan um zungzal hi tuanbia ah a poi ngai tawn. Chin miphun nih cun a dikmi le a fekmi dirhmun ah kan dir zungzal awk kha a si lai.

Credit: Salai Van Lian Thang