Chinram Dohthlennak Ruangah Khar A Si Mi Hakha Passport Zung Cu A Thar In Kan Hun Than Cang

Chinram kahdohnak ruangah le dohthlennak tuah ruangah can saupi an khar chung mi Chin ramkulh, Hakha khuapi um passport zung cu a tu hin an hun ṭhan cang tiah theih a si.hi konghe pehtlaih nak le kherhlainak tuah a duh mi nih cun mah pumpak in Hakha kal in kherhhlai nak tuah khawh a si cang.

Sangaing Ramṭhen Ah Nikhat Chung Lawng Ah Khua 5 An Khangh!Sangaing ramṭhen chung Baohtoh khua peng cu December 21 ah SAC ralhrang nih an luh hnawh hna i khua 5 an khangh tiah theih a si.SAC ralhrang thazaang 60 leeng le mipi veengtu ralkap hna Lynzin khua pawng ah December 20 i kahdohnak a chuah hnu a thaizing ah Lynzin, Baohtoh, Ywathit, Kungkyi, le Shankung khua hna ah lut in inn an khangh hna hi a si tiah theih a si.

Khuami hna an zam dih caah inn zeizat a kangh bel theih khawh a si rih lo. Sangaing ramṭhen chung ah SAC ralhrang nih November 30, 2022 tiang ah inn 27,496 an khangh cang tiah Data for Myanmar nih December 10 ah a thanh.UN OCHA zong nih December 3 tiang ah Sangaing ramṭhen mipi hna 616,500 nih inn le lo chuah taak in ral an zaam tiah a thanh ve.

Credit: CCN Channel

Author: Salai Ephraim