Chinram Hakha Khuapi Ah Minung Pa Ruk Ralhrang Nih An Tlaih Hoi Hna

Hakha Dawrthar Sang ah Nu Pakhat Telh in Minung 6 an Tlaih hna.September 25 deilei sml 4:00 le 5:30 karlak hrawng ah SAC ralhrang nih Dawrthar sang ah nu pakhat telh minung 6 an tlaih hna, tiah thawng kan theih.

Sang upa pakhat nih, ”Tuzing ah ka nuapa an tlaih. Kan inn an theih i timh ciammam tein an ra i an tlaih ko rua tiah ka ruah. Ka naupa cu a nupi nih a zulh ve,” tiah a chim.

Tuzing an tlaihmi hna lak ah Bank tangka chuah ah a kalmi le Hmung Family i an Driver pa zong an i tel hna.An tlaihmi hna hi atu Hakha palek sakhaan ah chekhlatnak an tuah cuahmah lio hna a si, tiah kan theih.

Credit: The Chin Journal

Author: Salai Ephraim