Chinram Hakha Khuapi Chung Mipi Hna Tihhlah Lauhlah Thathnemnak Um Loh

Tih thlah! Lau hlah! Bawipa i Bochan ko.Hakha ummi zumtu hna țih hlah u! Lau hlah u. BAWIPA i bochan ko u. Țihphannak le launak nih zeihmanh a țhatter bal lo. BAWIPA tu i bochan ko. Ralkapbu BAWIPA cu kan phaw a si.

Kan himnak Lungpi a si. A kan Vengtu le Hupphengtu a si.Bomb thawng le meithal thawng na theih tikah, lau tuk le țih tuk kha i suum. BAWIPA nih an umpi ko, an kal taak lo kha ruat deuh.Thla kan cam lengmang ko.

Carson le Laura luruh nih a hngahmi khua, PATHIAN lawng a kawlmi tampi umnak khua hi, BAWIPA Mit nih a ven peng ko. Kuanvai lakin BAWIPA nih in huppheng ko hna seh.

Maw Hakha khua, țih hlah, lau hlah, na PATHIAN cu nanmah ven awkah na sinah, na cungah a um ko. BAWIPA hi tampi in i bochan law na zumhnak kha țhawnter chinchin. BAWIPA JESUH nih Vel le Daihnak in pe ko hna seh.

Credit: Evan Tluang Lian

Author: Salai Ephraim