Chinram Khualipi Hakha Ah Ralhrangbu Nih Oxygen Chuahkhawhnak Sehzung An Sak

Hakha ah ralhrang phu nih oxygen chuahkhawhnak sehzung an sak,mipi lei nih ngandamnak lei zohkhenh nak phu nih oxygen chuahkhawh nak sehzung an sak cuahmah ve.Chin ramkulh,Hakha sizung pi(Hakha general hospital) hmun chungah chin ramkulh cozah phu hna khuakhannak in nikhat ah liter 40 tlum oxygen lung 200 a chuahkho mi oxygen sehzung cu August thla zarhhnihnak ah sakhram an thok cang tiah theih a si.

Cun Hakha peng chung Khrihfa bukip fonh upa hna nih dirhmi mipi ngandamnak lei zohkhenh nak phu(Hakha Township Public Healthcare-HTPH) zong nih anmah ten oxygen sehzung cu tuthla chung dih ding in sak an timh tiah theih a si.

 

Ralhrang phu hna an sak ding mi sehzung cu RC in sak an timh i,Chin ramkulh cozah phu nawlpek nak hmuhmi phaisa in sak a si lai. Mipi ngandamnak lei zohkhenh nak phu hna nih an sak ding mi oxygen sehzung cu sing 3600 dih in ramchung ramleng Lai mi bukip bawmhchanhnak in tuthla chung ah sakdih a si lai tiah theih a si.

Ralhrang phu hna nih an sak mi oxygen sehzung a dih tik ahcun nikhat ah liter 40 tlum oxygen lung 200 rawn khawh a si lai, cun mipi ngandamnak lei zohkhenh tu phu hna nih an sak mi oxygen sehzung a dih tik ahcun minute pakhat ah oxygen 500 liter a chuah khawh lai tiah theih a si.Hakha ah Covid zawtnak check mi dihlak hi 2000 leng an si,zawtnak hmuh mi dihlak hi 500 luan an si tiah theih a si.

Source: Mizzima