Chinram Khualipi Hakha Ralhrang Meithal A Zampi Tu Mino Hna An Nu Le An Pa Hn Inn Chuh An Si

Hakha SAC Ralhrang Meithal a Zaampitu Mino Pa i a Pule Inn an Chuh Hna.Nihin July 23 ah Hakha, Khuathar sang ah a ummi Pu Man Thar te inn cu SAC ralhrang nih an chuh hna i an inn kutka ah catar zong an benh. SAC ralhrang nih Myanmar ram uknak an chuh hnu,

CDF an dirh ka hrawng ah khan Pu Man Thar te i an tupa te nih SAC ralhrang pawl zu a dangh hna i an rit karlak ah meithal pakhat a lak i a zaampi khawh.Thil sining a theitu minung pakhat nih, “CDF an rak dirh ka hrawng ah khan a si. An tupate nih ralkap pawl aa komhter hna i zu a dangh hna. Zu an rit karlak ah an meithal pakhat a lak i a zaampi.

Cu caan thawk cun ralkap nih an chungkhar hi an kawl lengmang hna,” tiah The Chin Journal ah a chim. SAC ralhrang meithal a zaampitu Hakha mino pate hi himnak hmun ah a phaknak a sau cang. A pule Pu Man Thar te zong Hakha ah um loin hmundang ah an zaamnak a sau ngai cang, tiah thawng kan theih.

Credit:The Chin Journal

Author: Salai Ephraim