Chinram kulh ah NLD a cahlo a si ah cun ralkap kut ah kan um dih lai tiah micheu nih cun an ruah.asi ah teh! Chinram a ngeitu Chin party CNLD hna hi Chinram ah kan cahter hnalo a si ah cun Chinram cu kan sung lai tiah teh na ruat bal maw?kawlrawn zongah kawl party pawl hna hi kawl miphun pawl hna nih vote pe lo in um hmanh hna sehlaw curuang ah cun kawlram pi a rawk hlei lai lo.Tlangcung miphun caah Tlangcung mi bak uktu le hruaitu kan i ngeih lawngah Chinram caah cun bawmchantu t’ha cem an si lai ti hi rak thei.
Kawl party an cah lawngah Chinram ah Mei, Lam, Chawhleh-chawhrol nak le fimthiam cawmnak etc..tibantuk a t’hang cho kho lai tiah mi tampi nih kan ruah.Mah miphun a dirkamh ngamlo mi le a zum ngamlo mi,mah duh ning paoh in bia a chim mi hna hi kan mah le kan mah zei kan silo zia kan langhter mi a si.Chin party zong nih Chinram le kan miphun an t’hanchoter khawh ve ko ti hi kan theih piak kho bak hna loh.Kawl party nih Chinram ah teinak an hmuh t’han a si ah cun Chinram chungah cuhlan nak hmanh in temtuarnak tampi an chuahter khawh.Chinram kulh chungah Pura an karhter chinchin lai i an mah biaknak lei ah an kan mer deuhdeuh lai.kan nunphung an kan rawh deuhdeuh lai.cucu an tuah lai lo tiah a ho hmanh nih chim khawh a si loh.
Chinram kulh chungah Kawl Sianginn an karhter lai i,cu Sianginn chungah cun nan fa nau le a lak in”manlo”in karter hna uh an kan ti te lai,an mah biaknak le sining an cawnpiak hna lai,cutik ah an kawl biaknak in an t’hang lian lai.kan nun phun le sining a tlau cuahmah lai i kan Biaknak tiangin an kan philhter dih te lai.cucu tuchun ni tiangah a cang mithil a si.Kawl miphun hna le Chin miphun i cawh hrup in kan cawlcang te lai i Nupi Pasal an i ngei te lai.Chinram kulh chungah Kawl party lawng thilti kho ah kan ruah mi hna hi cu kan lung a fim lo tuk rih.lungfim caan a si cang.
Chinram le miphun caah mi zei hmanh nih rian an t’uan taktak lai lo.Chinram a ngeitu CNLD Chin party lawnglawng nih a nun nak a pek sian dingmi a si.Chinram le miphun sin ah zatlak puicimhnak a hung chuah taktak tik ah Chinram mipi nih ning hngal ngai in khuazei ah dah Chin pasal t’ha vialte hna cu an um kun tiah nan hei chim rel.a liamcia, Falam khuapi ah kan unai Kachin ralkap a va thattu hna kawl ralkap pawl hna rak don dingah Kawl party hna nih cun an rak bawm duh nemman hna loh.Kawl party hruaitu hna chungah Chin miphun a um mi hna zong nih Chinram le miphun t’hancho nak dingcaah zei bia hmanh an chim ngamlo.Chinram le miphun kan t’hangcho khawh nak ding caah Kawl party hruaitu ah a tel mi kan Chin mi hna zong nih ral t’ha tein Chinram caah bia an chim ngam le rian an t’uan ngam a herh.
Chinram t’han chin nak caah NLD lawng hi an si loh.Chinram caah thil t’ha a tuah khotu hi CNLD zong nih a tuah khawh ve ko.a tu hnu in Kawl party nih Chinram kulh chungah teinak a hmuh t’han a si ah cun Chin miphun,miphun pi,do a tla mi miphun,kan holh le kan ca,kan thuamthil vialte hna zong hi a lotlu kho dih ti hi kan philh awk a si loh.Credit:Thang Boih Htantapin
