Chinram Kulh Le Kayinni Ramri Ah Faktuk In Kahdohnak A Chuak Cuahmah

PDF Lei In Kahdohnak An Ngol Cang Nain Rallokap Lei Nih An Kah Than Hna Ruangah Chin le Kayinni Hmunhma Ah Kahdohnak A Chuak Than.Khuami mipi hna annun humhimnak hnahnawh lai an phan caah mipi vengtu phu PDF lei in kahdohnak ngol a si nain ralhrang rallokap phu lei nih minung thazaang chap in an doh than hna caah Chin ramkulh le Kayah ramkulh(Kayinni)ah July thla lai hrawng in kahdohnak a chuak than.

Chin ramkulh CDF-Mindat le ralhrang rallokap kar kahdoh ngolnak ding biaruahnak cu July 16 ah thok in an hrawh i, kaphnih kar ah duh lo nak a chuak,ralhrang rallokap phu lei nih Mindat khua rallokap a minung hna cu thazaang chap nak a tuah.

Mindat peng chung,atu lio caan ah Tatyin 274 tel in battalion (6)cawlcang mi an si, cun battalion (4) hi mi hmuhnak ah cawlcang in a dang tang mi battalion (2) hi tatyin an tuah ti lo tiah theih a si.Matupi khua ah a ummi ralhrang rallokap phu hna zong Mindat lei hoih in an kal tiah Mindat mipi uktu thawnghlat phu nih cathanh an chuah.

Nihin July 21,zing suimilam 6:30 hrawng ah Chin ramkulh Mindat le Magway ramthen lei Shwedwinto khua pawng ah mipi veng tu phu le ralhrang rallokap phu kar kahdohnak a chuak,nunnak a liam mi kong ah fiangten theih khawh a si rih lo.

Kayinni,Bawlakhe peng chung zong ah ralhrang rallokap Tatmah 66 ah minung thazaang an chap,minung an umnak inn ah luhhnawh le inn bauh in thilri cu an fir tiah theih a si.Kayinni ralkap KNA , Kayinni mipi vengtu phu KNDF hna i fon lh in ralhrang rallokap phu hna he kahdohnak a chuak tiah Kayinni thawnghlatnak phu nih an thanh.

Credit: Khit Thit Media (TCP)

Author: Salai Ephraim