Chinram kulh le Sagaing ramt’hen ramri cu 1938 kum lio i British chan lio ah ramchung Tlangbawi nih nawl a rak chuak ning bantuk tein ramri cu tuah t’han dih dingin biachahnak ngeih a si tiah Chinram kulh thingram zohkhenghtu Pu Mang Hen Dal nih a chim.kum 1938 kum lio i British chan lio ah ramchung tlawngbawi zung nih nawl a rak chuah mi a um.cu nawl a rak chuah mi cu t’ha tein zoh t’han nak ngeih a si.
Kum 1935 lio in 1938 ah ramri an rak tuah.1942 ah ramri Map zong an rak suai,cu tibantuk in thil an rak tuah mi vialte hna cu pakhat hmanh thlawtthlau lo tein zoh dih cicek a si i,cu hlan ah an rak tuah ning tein Chinram kulh le Sagaing ramri cu ser t’han a si lai.cun,ramri thuamthil le chinchiahnak tibantuk pawl hna zong an rak tuah mi an um caah cu thuamthil hna cu an rak tuah t’hingnak ramri hmunte ah chiah t’han dih an si ko lai tiah a c
him.
Hi konghe pehtlai in Chinram kulh le Sagaing ram t’hen ramri cu a hlan ah ramri an rak tuah ning bantuk te in tuah t’han si seh tiah Chinram kullh cozah lei in Pu Mang Hen Dal le Sagaing ram kulh cozah lei in Pu Kam Za Mung le Naypyitaw lei in thinram lei t’uanvo ngeitu i an hruaitu U Thet Oo hna nih October 7 ah khan zohfelnak an ngeih pin ah Khampat khuapi mi hna he ton biaruahnak zong a ngei kho tiah an chim.
Pu Mang Hen Dal nih a chim nak ah cun a tu bantuk in ramri kongah kan tawlrel mi hi mipi lei in ramri kongah a buai bai mi an um pah cang caah ramri hi feifai tein kan chiah a si ah cun ram khat le ram khat peng le tlang karlak ah i dawt nak a um khawh nak hnga tiah kan tawlrel mi a si tiah a chim.cun,ramri konghe pehtlai in October 8 ah Yazacu khua ah tuah a si,October 9 ah Tonzaang peng Zonuanzaang khua ah tuah a si lai.October 10 ah Kalay ah tuah t’han a si lai tiah a chim.Chin ramkulh le Sagaing ramri cu 1938 ah felfai tein ramri cu rak cheu cia mi a si na in a thar in tuah t’han dingah an timhlamh t’han mi tu a si.
Credit: chindwinpost
