Chinram Laitlang Cu Ralhrangbu Nih A Kulh In Kulh Dih Timh Dawh An Si Cang An I Chap Luaimai Ko Cang

Kalay in Laitlang ah a kai mi SAC ralkap motor 30 renglo an si cang.SAC ralkap motor 30 renglo cu nihin October 11 ah Kalay in Laitlang lei ah an kai than, tiah kan theih.Hi hna pawl hi motor 40 renglo in October 8 lio ah Gangaw in Kalay an rak phan. Raltuknak motor zong aa tel.

October 9 lio ah motor 15 hrawng le raltuknak motor 2 cu Tedim lei ah an kal nain October 10 ah an kir than i Falam lei ah an kai than, tiah kan theih.Atulio hi Northwest Commander Phyo Thant cu a rian an phuah i an hren hnu ah amah ai-awh ah Sangain le Chinram ah minung 2 an chiah hna lio a si.

Demoso ah ralzaam naupawi pakhat naucung in a thi.Kayin (Karenni) Ramkulh, Demoso ah ralzaam nu pakhat cu apaw thla 9 a si cang i nau nganfah in mual a liam tiah theih a si.Hi nu hi kum 39 a si cang i a nau nganfah ruang ah Loikaw siikhaan pakhat an phanhpi nain naucung in a thi i nihin October 11 zing ah aruak an vui.

Apasal siseh, kum 13 le kum 6 fapa si hna seh, a tantak hna.Demoso Peng ralzaam camp hna ah hin ngandamnak lei a herh mi sii-ai le tirawl a chambau ruang ah kumkhua upa, ngakchia le naupawi tiang in mual an liam cang tiah Kantarawaddy Times nih a tial.

Credit: The Hakha Times

Author: Salai Ephraim