Chin Party nih Lairam chung cu a hruai awk asi timi cu ka dirhmun a si zungzal ko lai.Kawlram cu Kum 60 leng ralkap nih uk ruangah a hlei in kan Chin state cu a sifak cem kan si.
Naihrawng Chin Party hna an cawlcanghnak le an biahla ka zoh lengmang tikah an i sawhkalh pah i next elections zong ahhin a ho nihdah a tlaih ah tha lai ti mi check and balance a ka ruahter ngai.Kan ram le hruaitu dirhmun ka zoh ve than lengmang tikah next term zong hi NLD nih an tlaih ah a tha deuh ko cang rua lai tiah ka ruah.A ruang hna cu,
1.Chin Party hi ka ruah ning bang an puitling in ka hmu rih hna lo.Longtime caah zei an lawh lai ti hngalh khawh an si fawn lo. Khahlan bang zei pipa an tuah khawh lo ahcun Laimi lila nih online in kan thuat tuk te hna lai caah an dirhmun fek deuh nak ding caah le an lam a tluan deuhnak hnga NLD nih tlai rih ko sehlaw Lam phahpiak chung rih ko hna sehlaw tha men lai ti leikap in ka ruat pah cang.
2.Democracy ram ah kan luh kaate long asi rih caah kum 60 chung kan thi reu lakin an kan dawp dihtu Kawl ruangah NLD -Nufa hna hi an tan ahcun Chinram NLD party nihhin kan Ram hi rang deuh le tam deuh in caan zeimaw kar ah an ser khawh deuh lai i Next ah hruaitu asi te hnga ding mi Chin Party caah lam an phah piak lai caah Chin Party le Lairam caah a tha deuh hrim men lai.
3.A tulio dirhmun cu Ram hruaining muisam thlen caan(tranformation) asi i a sifak tuk mi Lairam hi rang deuh in a thancho khawhnak ding caah lam a tuah kho deuh ding Chinram NLD Party nihhin an tuan zongah a poi tuk rih lo.Tuan peng zong an i tinh mi asi fawn lai lo.
4.Chin Party nihincun kan ram biatak tein ai thlen i, Federal le mah te rorelnak dirhmun hna kan phak tikahcun kan Ram kilvennak le hauhruang kulh dingah biatak tein an tuan hrim a hau te lai caah a tu tein an tuan i zei pipa an chuahpi lo ahcun Laimi kan lung vaivuan dih te kho.Cu hna cu Lairam le Chin Party caah phan an um ngaingai.
Laimi cu thil fakpi in a purhdah kho chung mi siloin ton hnu longah a lungfim mi kan si deuh rih caah thuk deuh le vuai lakin experiences hi tong ta rih ko hna uhsihlaw, cu hnu ah thil tha cem mi hi lungtling tein kan thim/tuah khawh cem te theo lai ti ka ruah cang.
Credit:Al Bik Lian Zathang