Pathian nih aa timtuahnak vialte tlamtlinter hram seh. Dr. Sasa cu hmaithla September 13, ah khin Vayu Company, Michigan, USA he tonnak an ngei cang lai. Vayu Company hi vawleicung ah minthang tak takmi, UN department asimi The World Health Organization WHO le UNICEF nih a hmanmi a si. Hi hna hi vawleicung harnak tongmi hna ral ruang ah hliamhma ingmi, tilian le thlichia ruangah, meitlang puah le liihnin ruangah tbk emergency caah tiin an hmanmi a si.
Vawleicung ngandamnak kong he pehtlaihin emergency in an herhmi sii ai petu Drone a si. Cu Company ngeitu Founder & CEO Dr Daniel he Dr.Sasa cu tonnak an ngei lai. Dr. Sasa cu Dr. Daniel nih tonnak ngei dingin a sawm hi a si. Vayu Company nih a ngeihmi hi Unmanned Ariel Vehicles UAV or Drones ti a si. Laitlang khuika hmun paoh ah a tum kho dingmi a si. Laitlang khuate cerhtual kipah a tum kho dingmi Drone a si.
Mah Drone nih hin sii 3kg tiang a phur khawh. Sii 3kg cu emergency caah cun atamtuk mi a si. Dr.Sasa chimning ah cun kanmah chinram ca lawng hmanh si loin, kan kawlrampi ca tiangah a thahnem tuk dingmi a si. Kawlramah, Chinram ah damlomi nih an herhmi sii ai a umlo tikah emrgency in hi vanlawng drone nih a kan pek lai tiah a ti. Cu caah kan Chinram ca lawng si loin kan kawlram pumpi ca zongah a tha tuk dingmi a si tiah a ti.
Hi thil hi tlamtling tein ka khan khawhnak lai Pathian sinah thlacamnakin ka bawm cio u tiah ati. Aa tinhmi hi a tha tuk hringhran. Hi pinah hin Chinram caah thiltha tamtuk ihmaithlak dingin timhlamhnak a ngeimi a si. Zeithil a tuah paoh ah hin Pathian thawng a si, keimah cu a hriamnam men men ka si caah zumtu Pathian mifa hna nih thlacam ka bawm peng u tiah ati zungzal. Chinmi nih Dr. Sasa hi thlacamnak in baawm cio hna u sih.
Credit: dailychinstar (Dr. Sasa)
