Chinram Le Miphun Caah Rian Kan Tuan Tik Ah Phaisa Lawng Te A Si Vawilei Hi Pathian Dum A Si

Ram le Miphun caah Rian Ttuan tikah Phaisa hmanning.Vawlei hi Pathian Dum a si. Lucifer cu Pathian a doh caah vancung in hlonh a rak si. Cucaah Pathian Dum (vawlei) cu Sehtan nih a hrawhpiak dih. Pathian nih Sehtan cu vawlei in a tthawl hnu ah a Dum zohkhenh dingah minung cu a kan sermi kan si.Minung nih Amah Dum kan zohkhenh kawhnak caah kan herhmi vialte a kan pekchih dih. Kan zohkhenh ding ningcang zong fiang tein a kan chimh dih cia. Amah cu Sertu, Dum ngeitu, Siangpahrang le kan Pathian asi caah kanmah (minung) nih a khuakhannak thlenpiak remhpiak khawh asi hrimhrim lo ti hi kan theih hrimhrim ahau.

Amah nih vawlei cungah kan nun chungah Amah Pathian phung le lam, nawlbia a kan cawnpiaktu hna caah kan hmuhmi chungin 10% nan pek hna lai tiah ri a khiah cang (Det 14:22). Kan umnak ram cozah nih kanmah runvennak (ralkap le palek hna hriamnam caah) le zohkhenhnak (sianginn, siizung hna) caah 20% nan pek lai tiah ri a khiah ve cang (Gen 47:26).Cun kanmah kut ah atangmi 70% chungin 20% khi a kan hringtu nulepa, ulenau le khua bawmhchanh cawmkennak caah nan hman lai tiah a ti rih (1 Tim 5:8). Cun nangmah caah 50% a tang lai.

Na pastors le khrihfabu caah 10%, na umnak ram caah 20% + na nulepa le unau caah 20% = 50% asi ve lai. Mah hihi kan Bawipa Jesuh Khrih nih “Bawipa na Pathian kha nan nunnak dihlak, na thazang dihnak, na tthawnnak dihlak le na ruahnak dihlak in na dawt lai.Cun na Inn pa kha nangmah le nangmah naa dawt bantuk in na dawt lai tiah ( Mark 12:30-31) ati mi a sullam kha asi.Cun, Isai 28:29 ah “Bawipa Pathian khuakhannak cu a fimmi asi zungzal i thlua a chuak zungzal” ati rih.Cucaah dawtmi miphun hawi hna kannih ramleng khuasa hna nih a tu caan ah kan ram le kan miphun caah rian ttuan dingin caanttha kan ngeih lio caan asi.

Hi bantuk caan ah khuakhan lairel kan i palhlo (kan Pathian khuakhan lai relnak; a fim i thlua a chuak zungzal mi he kan i kalhlo ding hi) a biapituk.Na umnak ram caah na pek ciami 20% tax hmannak nawl na ngeihlo bantuk tein, na umnak khrihfabu ah na pek ciami 10% (cheuhra cheukhat) tonghkhawh asi lo. TTIH A NUNGTUK!Atu ah CDM, ENSF, nulepa, ulenau le kaltakmi khua le ram caah kanmah kutah a ummi 70% chungin 20% kha siangngai le thatho tein kan hman caan asi. Kanmah chungkhar cio caah 50% hman ding asi.Mah hihi a fim i zungzal thlua achuakmi kan Pathian khuakhan ning cu asi.

Sangcunguk Hlawnceu
Auckland, New Zealand

Author: Salai Ephraim