Chinram Mindat Khua Cu Ralhrangbu Nih Motor Sawmkua Bak In An Fuh Cuahmah

Pakokku in Mindat lei ah SAC ralkap pawl motor 90 deng le raltuknak motor he an kai.October 12 zing 5:00 hrawng in SAC ralkap pawl motor 88 le raltuknak motor he Mindat lei ah an kai, tiah kan theih.

Zinglei 8:15 ah Pauk le Pakokku an phan i 9:10 ah Pauk khua an lonh.9:30 hrawng ah Mindat in SAC ralkap motor pakhat ralkap khatlak in a phur mi Kawl lei ah a zuang i cu lio ahcun raltuknak motor 2 Kyaukhtu lei in a rak chuak i Mindat lei a cunglei ralkap pawl hi kaldawh an si ko, tiah SAM nih a tial.

SAC ralkap pawl motor 50 renglo he Lumbang ah an riak.Kalaymyo in October 9 ah a rak i thawh mi SAC ralkap pawl cu motor 55 hrawng in an ra i Falam Peng Lumbang ah October 11 zaan an riak, tiah kan theih.Falam Peng Vaar tiva phanh hlan Lumbang hi zaanlei 5:30 PM hrawng ah an phan i sianginn ah umhmun khuar in an riak.

“Anmah ralkap chung in a zaam mi pakhat chimnak ahcun hi hna pawl hi CNF/CNA Camp lei raltuk ding ah a hun i thawh mi an si,” tiah CHRO nih Twitter cahmai ah an tial.Hi SAC ralkap pawl hi Lumbang ah an bualcam lai maw, asiloah nihin October 12 ah Hakha lei an lan lai maw ti theih khawh a si rih lo.

Credit: Laica+The Hakha Times

Author: Salai Ephraim