CNA/F Nih AA Hriamtlai Pawl Khi Kap Ne Hna Sehlaw Zei Thil Dah A Cang Lai Na Thei Maw?

Kan hnu lei ah khan AA hriamtlai pawl konghe pehtlai in Chin ram Sipin bawi Pu Soe Htete nih Chin media hna sin ah fianternak tawi a rak tuah bal cang i,cu chungah cun a chim mi cu tuchun ni tiang Paletwa ram chungah i tuk/kah nak a um mi cu AA hriamtlai pawl hna ruangah a si.zeicahtiah AA pawl hna nih ningcanglo in Paletwa ramkhulh chungah hmun an khuar i an mah duh sahlam in cawlcangh an i timh ruangah a si.Paletwa ramkulh chungah AA hriamtlai pawl hna cu um hna hlah sehlaw Paletwa ram cu a dai ko lai tiah a rak chim.

Photo credit by the hakha post Pu Soe Htete photo.

Cun, AA hriamtlai pawl hna nih cun Rakhine ram le an miphun caah dothlenak kan tuah an ti na in AA nih dothlenak a tuah ning cu fawi tein teinak an hmu lai lo,a ruang cu AA nih dohthlennak tuah a duh taktak a si ah cun an mah le ram chung te in dothlennak cu an tuah awk a si.an mah hmun le ram a si lo mi Paletwa ramkulh chungin dothlennak an tuah mi cu teinak hmuh nak ding caah thil fawi a si lo tiah a rak chim fawn.

Arkan Army photo.

Hi konghe pehtlai in Paletwa ramkulh chungah AA nih hmun an vun khuar tik ah Chin mipi hna thin lung a hung cawl cio i,mipi nih mawh kan phurhter mi hna cu Chin ralkal kan i neih chunmi CNA/F pawl hna an si.Chin mipi nih kan chim cio mi cu,”ziah a tu tiang i CNA/F ralkap an cawlcangh lo ti hi a si.asi ne ah!CNA/F nih Chin ram le mipi hna caah dothlennak a tuah ning te Chin mipi nih zei tal kan i fian mi a um ne maw?kan mah duh paoh in CNA/F cu sual kan phawt mi hna hi t’ha tein kan ruah a herh!

CNA/F Army photo.

CNA/F ralkap t’uan vun chim lo an training va tuah sawhsawh ding hmanh ah thih kan ngamh fawn t’ung.CNA/F sual kan phawt ngam ding a si ah cun.CNA/F rian t’uan nak cu biatak tein kan dirpi hnu ah le zei dah an i timh mi hi a si ti hi kan i fian awk a si.cu hnu ah kei/nang mah pumpak hrimhrim in dothlennak kong tlawmpal te tal theih ta lo i, ningcang lo in CNA/F sual kan phawt lengmang mi hna hi ningcanglo thil a si.CNA/F kal ning le AA dothlennak an tuah ning a khat lo.AA nih dothlennak a tuah ning bantuk in CNA/F nih tuah ve hna sehlaw? nang te na tho in ram le miphun caah na thawh ngam lai maw?

 

Note: kei mah nih ka hmuh ning mu, kan peh t’han te lai.

Author: Salai Ephraim