CNA Nih Ralhrang He An I Kahdoh Ning Le Thil Sining Fianternak An Tuah

Chin National Army(CNA) Nih May 3 in 6 Tiang Kahdohnak Cathanh An Chuah.CNA ralram kan cawlcanghnak ah CNA, CDF-Thantlang, CDF-Zophei le CNDF hna i bawm in May 3-6 karah a tlawm bik voi 4 SAC ralkap he kan i kap i SAC ralkap 34 an thi i, 20 nak tlawm lo hliamhma an pu.

Cu kahdohnak ah CNA in ralkap pasal ṭha 4 le CDF-Thantlang in ralkap 4 an nunnak a liam ve.Kan i kahnak hmun hi Hakha in Kalay lei aa thawhmi SAC ralkap mawṭaw 27 le Tank 2 cu, Hakha in Falam kar Ramthlo, Tlangzar le Taal khua kar ah kan kah hna, tiah an thanh.

Mawṭaw run a kalmi lak ah Hakha in thongtla 15 an phurh hna i, ral i khamhnak ca ah an hman hna. Cu pinah Ramthlo khua inn 10, Tlangzar khua inn 17 an khangh.2022 May 9 ah Falam in Kalay lei an panh ṭhan i CNDF nih bomb in an puahhnawh hna ca ah SAC ralkap 4 an thi.

2022 May 7,8 ah Chin ramkulh Matupi in Mindat lei a kalmi SAC ralkap mawṭaw run cu CDF-Mindat nih mengtung (13,17,18 )karah an kah hna i, SAC ralkap 30 nak tlawm lo an thi, tiah cathanh an chuah.

Credit: The Chin Post

Author: Salai Ephraim