CNDF Pasal Tha Hna Pathian Nih Thawnnak A Pek Hna Caah Ralhrang Bogyi Telh In Minung Tam Taktak An Thah Khawh Hna

Chin National Defense Force (CNDF-Falam) le SAC ralkap thla 4 chung ah kahdohnak voi 8 a chuak i SAC ralkap Bogyi rank tel in a tlawm bik minung 100 hrawng an thi, minung 40 leng hliam an tuar tiah CNDF-Falam nih an thanh.

Hi i kahdohnak chung ah CNDF lei in minung 8 nunnak a liam.“Thla 4 chung ah kanmah CNO/CNDF hi Falam Peng chung lawng si loin Kalay, Kabani, Thasii, Tanbu pawng kahdohnak zong ah kan i bawm. Kahdohnak voi 8 a chuak i hi chung ah SAC ralkap lei in Bogyi rank tel in a tlawm bik minung 100 hrawng an thi.


Kanmah lei in minung 8 nunnak a liam ve,” tiah CNDF tuanvo ngeitu pakhat nih a chim.CNDF hi Chin National Organization tang ah a um mi Falam lei hriamtlai phu an si.

CNO/CNDF cu NUG, CRPH he rian kan tuanti lai i Ramkomh chung ah a um mi EAOs he rian kan tuanti pin ah CNF, ZRO (E), CDF, PDF he zong rian kan tuanti lai i Federal Democracy kan hmuh tiang kan dohti lai tiah cathanh zong an chuah.

Credit:The Hakha Times