CNF kan pa le pawl Center Executive Committee CEC Meeting an tuah chuahmah. Tulio kan ram chaklei thlanglei thawng a phun phun in vun theih lio a si i, kan pa le hna tutan an CEC meeting hi cu a bia pi ko. RGN ah Cozah he a bia pi tuk mi i ruah, i chawnhnak ah rian a ngei mi kan pa le hna , CC caah vawlei cung khuakip, ramkip ah a tlawng lio mi, lampi a um lio mi kan pa le hna dah ti lo cu kan hruaitu pawl an tling.
An hmanthlak vun zoh hna in an mithmai pakhat hnu pakhat vun zoh, cun an kong vun ruah chih ah mi hna an ngam ter. CNF ah CEC dirhmun tiang a phan cang mi hna hi cu kan Miphun le kan Chinram tthate, dawhte in a hruai kho ding hruaitu tling lawng te an si.
Chin miphun vialte nih an kan tuah pi mi kip ah hin kan mah le umnak, sining cio in bawmhkhawh, telve khawh i zuam ve cio hna uh si law Pathian nih a kan pek mi kan za-lawnnak le kan Pu-pa nih an kan roh ta mi kan Chin vawlei cu kan kut ah a phan tthan ko lai. Chin miphun vialte hi kan Chinram caah kan tuah khawh mi a um dih, san kan tlai dih. Cu cu mi tampi nih kan ni thei lo. Chin miphun vial te kan Chinram caah i hmang dih cang hna uh sih!
Biachap: CNF Ralbawi hlun Lt.Col Hre Tling cu D.C le New York khua pi i kan Chin miphun sin a va tlawn hna hnu ah nihin zanlei Indianapolis khua lei ah a rak kir. Vawlei Cung ah khua biapi bik mi tiah chiah mi D.C le New York khua ah kan miphun he tawnnak an va ngeih lawng si lo in, a minthang thang abia pi mi hmunhma pawl zong a va leng kho dih.
Ral phun kip karlak, Ramtang thingtang ah zankhat va riah hman hi a fawi lo. Mah thluk a har mi hmun ah Kum 30 leng Chin miphun nang le kei caah reitheih a tuar mi kan pa le Pu Hre te pawl a tu bantuk in Vawlei cung ramttha bik USA ram i khua minthang pawl ah zalawng te in hawikawm he vun i dinhnak canttha an hmuh hi kan lawmh pi. A min phun caah nunnak thap in kum 30 leng rian a ttuan mi Chin pasal ttha Pathian nih a lam hruai chin ko seh law kan miphun caah kum saupi tiang ttuankhawh rihnak damnak kan pek piak rih ko seh.
Credit: Daniel Sakhong
