Chin Miphun Party thawn lai a ttih rumromi Salai Tum nih CNLD hruaitu pakhat a simi Salai Ngai Sak kha cungah cawi zau in Pu No Thang Kap le Pu Zo Zam kha tangah a hun thlak hna tikah Salai Ngai Sak nih Salai Tum ruahnak tha lo kha a rak ifiang tuk i a ni len . A nih ning cu tihin a si.Aw ,Salai Tum hi a ka dawt ca le a ka upat caah si loin Chin Party upa pakhat le khat irem hna hlah sehlaw kuai hna seh ti a duh ruangah pei cungah a ka cawi kohi timi Pu Ngai Sak nih aa fiantuk tikah Pu Ngai Sak a ni len.
Hakha Thantlang nih Pu Than le Pu Zo hi rem hna hla seh . Pu Ngai Sak long hi cungah langh han bakin cawi hna sehlaw a hnu ah Chin Party upa pathum kar ah ihmuhthiam lonak chuak sehlaw amah Pu Ngai Sak lila zong Pu Than le Pu Zo nih a kehleng phelhte hna sehlaw Chin Party hi kuaiman dih te seh timi saduhthahnak he chikhat caah a ka cawi chung ko hih timi , Pu Ngai Sak nih a fiantuk tikah Pu Ngai Sak a ni len.Aw Salai Tumte nih a ka cawisan caah hi dirhmun ka phak hi a silo mu .
Pathian dawtnak , keimah kai zuamnak le Chinmi nih an ka dawtnak thawngin hi dirhmun a phanmi ka si .Tumte nih a ka cawisan ruangah tthimfang tia hmanh ka thangcho deuh lo i , a ka thlak zongah tthimfang tia hmanh a zor ding ka si hlei lo hita timi , Pu Ngai Sak nih ai fiantuk tikah Pu Ngai Sak a ni len.
Chin Party cu pumpak ta a silo . Phunghram le policy puitlung he Chin miphun caah a dirmi a si . Hruaitu pakhathnih men nih mah siarem ningin tuah khawhmi thil a silo timi cu Pu Ngai Sak nih a fiantuk tikah Pu Ngai Sak a fim chinchin .Pu Than le Pu Zo zong , Puitling hruaitu an sinak a langhkhawh nakhnga an i zuam chinchin . Tuanbia dik he diklo he micheu nih an hnulei in an doilen hna zongah Chin miphun lungraulnak kha hmai ah chia in , lungthiang tein lungpical an ngeihnak kha an langhter chinchin caah zuumhtlak hruaitu an si chin lengmang ve .Uar an um chinchin .
Kawlte nih a chak an merhmi rang icit tungin Chinram vulei ah ruahdamh in a le lenmi Aw-taw nawlcawng Lang-Ak nih Chinram a sersiammi nak cun , mah sining te ihngalh in , Chin ah a hram a thlak i , Chin ah a dongmi nih Chinram le Chin vulei an hrawhsual a si ahcun mahcu hmanhcu ka duh deuh thiam lai .A deu cu diriamnak taktak a kan petu a si bal lo.
Credit: Salai Sang Ceu Lian (umpharpheng media)