Chin ram chungah remdaihnak le zalon nak Independent kan hmuh khawh nak ding caah caan t’ha taktak voi 2 bak te kan thlau cang ti u sihlaw kan palh lai lo.a ruang cu Chin ram Independent hmuh khawh nak ding ca ah Satin Thawng nih biatak tein dothlennak a rak tuah lio ah Chin mipi nih Pu Satin Thawng cu kan rak dirkamh in thazaang kan rak pe duhlo.cu hnu ah CNA/F nih Chin ram caah biatak tein tu ni tiang nun nak pek bak in rian an t’uan cuahmah ko bu ah Chin mipi cheu thum ah cheukhat tluk lawng nih thazaang kan pek hna! khuaruahhar ngaingai a si.
Chin dothlennak konghe pehtlei in Chin mipi nih term hnih bak kan pumpelh cang ti usihlaw kan palh tuk lem lai lo dah.Kachin,AA bantuk in Chin ram dothlennak caah hriamnam meithal he biatak tein kan dir ngam fawn t’unglo.Chin ramdothlen nak konghe pehtlai in mipi nih Cal saruh chonh in khua kan ruah a hau cang? luhlak men in kan cawl cangh caan a si ti loh!Chin ram dothlennak kongah rian t’uantu hna le tawlreltu Upa hna le Chin mipikarlak ah a ho dah a palh deuh ti mi hi kan mah pumpak cio in khuaruah caan a si cang?Salai Cumkuruk.
Asi ne kun ah,Chin ram dothlennak caah Chin ram dothlen nak lei hruaitu Upa maw an palh deuh?Chin mipi dah?a kan hruaitu Upa hna nih Chin ram chungah Independent hmuh khawh nak lam an theih lo bia maw a si ne?cun mipi hna a t’hit hruai kan har tuk bia maw a si?khua fakpi in ruah caan a si cang.a tu ah cun Chin ram caah Party pathum i fonh in CNLD (Chin party) tiah an dir cang i,CNLD party cu Chin mipi nih thazaang pek an herh nak kong le dirpi an herhnak kong tampi kan vun chim tik ah Chin mipi t’hen thum ah t’hen khat tluk lawng nih vote a pe kho dingmi dirhmun kan si t’han.
CNLD party hna hi Chin mipi nih thazaang pe in vote cu vun pe hna usihlaw,teinak vun hmu kho hna sehlaw CNLD party vote a pe duhlo mi Chin mipi a tam u hna hi,Chin ram khi ka ram tiah na chim ngam in na holh ngam lai maw?Chin ram chungah zalon nak kan hmuh khawh nak dingah a caan tlawmpal te lawng kan nei.fakpi in khua vun ruat ko rih hna usih?CNA/F le CNLD hna hi dirpi ko hna usih?Chin ram caah cun an mah lawng hi dirpi tlak cu an si ko.a tu kan caan t’ha kan tloh sual ah cun na Fa le chan ah zei dah Chin ram cu a lawh te lai ruat cikcek ko hna usih?
Note: Chin ram ah a laihri a tan bak mi le Chin mi a si ko bu in Chin ramkulh chungah kawl party NLD party min in an vak cuahmah ko ti thawngpang theih cu,”Langak va nih Awtaw hmul i bunh riang mang in Awtaw sinak neih aa timh he an i khat bak,hi thil an tuah ruangah NLD party hruaitu hna nih a kawl ralkap kut in an khamh kho hlei nemmam hna lai lo,lungfak ngai cu a si”tiah ka ruah.mah le ruahnak/hmuh ning cio mu.