Vawlei cung Khrihfa (Christian) pawl hna konghe pehtlai in CNN nih a chim ningah cun Vawlei cungah Sertu Pathian a um hrimhrim lo tiah a zumtu hna vawlei mifim thiam Atheist le Agnostic pawl hna nih Khrihfa a ti mi Sertu Pathian a um ko tiah a zumtu hna cu biatak tein doh an timh cang i,Khrihfa mi hna an thlacam nak hi sullam ngeilo a si caah thla an cam khawh ti lo dingin rian kan t’uan lai an ti tiah report a pek.
Khrihfa mi hna nih Sertu Pathian cu a um hrimhrim tiah kan ruah i thla kan cam mi hi Sertu Pathian a um bak lo tiah a zumtu hna Atheist le Agnostic pawl hna nih cun an hua taktak.an caah hna hnawk luri taktak khi a rak si tiah a chim. curuangah cun Atheist le Agnostic pawl hna nih cun Vawlei cung Khrihfa vialte hna Sertu Pathian a um ko tiah an ruah mi,an chim phuan mi,thla an cam mi hna hi an duh paoh in an tuah t’uan awk le an chim rel khawh ti lo nak dingin rian kan t’uan lai tiah timhlamhnak an ngei tiah a chim.
Cun,Atheist le Agnostic pawl hna nih an huat taktak mi thil pakhat cu mi pakhat khat nih zatlak puicimh an ton tik ah Khrihfa mi hna nih va kal in thla kan in cam piak lai i Sertu Pathian nih an theih ko tiah kan va fuh mi pawl hna khi an huat taktak mi a si.Sertu Pathian a um lo tiah a zum mi hna sin ah va kal i Sertu Pathian a um nak kong va chimh cawmpiak mi hna le Pathian konglam va chimh hna khi Khrihfa mi hna nih an hman lo ding hrimhrim a si tiah an chim.cu ti bantuk in Khrihfa mi hna nih zumlotu hna sin ah kan va tuah mi cu an nih Atheist le Agnostic nih cun kutdok bantuk men ah an kan ruah.
Mah ruangah hin University of Wyomin economist Ca chimtu Linda Thunstrom nih cun Khrihfa mi hna nih zumlotu hna sin ah va kal in thla an va camh mi hna khi Khrihfa thang a chiattertu men ah an cang.micheu cu Pathian nih thilti khawh nak a pek hna i mithi hmanh kha an thawhter ve ko na in a tam u hna cu mi caah hna hnawk menmen an si caah Khrihfa mi hna nih mi pakhat khat kha thla kan cam piak lai i kan cawn piak lai tiah an va fuh hna awk a
si loh.
Zeicatiah Khrihfa nih vawlei cungah nawlngeihnak a hman dingmi konghe pehtlai in (the list) ti mi cabu chungah mi pakhat zumlotu kha,”va kal in thla kan cam piak lai i Sertu Pathian kong kan chim lai ti nak nawl a ngeilo”tiah a chim.zeicatiah cu bia cu Zumlo tu hna caah an i fahsak cem mi bia a si tiah a chim.
Source: CNN
