Colombia Prime Minister Nih US Le Canada Cu Hnawmtom Kuat A Timh Hna

Colombia prime minister Hun Sen nih cun vawlei cung ram vialte hna sin ah Colombia ram hi hnawmpung ah maw nan rel?Colombia ram hi mi zei ram hnawmpung hmanh a si loh! zei ruangah dah Colombia ram ah ramdang mi hna nih nan duh paoh hnawm hlonh nak ah nan kan hman? tiah thinhung taktak bu in a chim.

Colombia prime minister Hun Sen nih cun Ca cawn nithum ni ah khan khua zei ram ti thei lo in a ram chungah hnawm tom plastic chia hna cu zei maw zat a rak phan i,cu ruangah prime minister Hun Sen nih cun hi hnawmtom a rak rat nak ram paoh cun a let in hnawmtom hna cu khirh t’han an si lai tiah a chim.

Cun, Colombia nih hi hnawmtom konghe pehtlai in sual a phawt khun mi hna cu American ram le Canada ram an si.zeicahtiah hi hnawmtom a rat nak hi American le Canada ram lei in a rak lut mi tilawng in an hmuh mi an si tiah an chim.Colombia Environment Ministry Neth Pheaktra nih cun Colombia ram hi ramdang mi hna nih an hman duh ti lo mi hnawmtom hlawnh nak ram a si lo caah hi hnawmtom a rak lut mi hna cu a rat nak lei ah kirter dih a si lai tiah a chim ve.

Cun, Colombia cozah nih cun hi hnawmtom konghe pehtlai in dothlattu dingah Committee thar a dirh i,cu Committee thar hna nih cun hi hnawmtom vialte hna hi American le Canada ram in a rak lut mi a si.Colombia ram chung tilawng dinh nak “Sihanoukville”ah a thli in an rak chiah mi a si tiah an chim.cu pin ah Committee thar an dirh mi hna nih cun Colombia ram chungah ningcang lo in hnawmtom a hlawnh mi hna cu a cozah nih an duhzat paoh cawter ding le taza cuai khawh dingin phunghram thar a ser cawlh tiah an chim.

Source: BBC

Author: Salai Ephraim