Cristiano Ronaldo Nih Cun Ka Thinlung Chungah Pumpululh Kong Hi A Um Kho Tuk Ti Lo

Vawlei cung pumpululh chuih zaangleknak lei ah minthang a si mi Cristiano Ronaldo nih cun kum khat hnu kum khat in pumpululh ka chuih ning hna cu ka danter i ka no lio deuh bantuk khan cu ka cawlcang huam tuk ti lo tiah a mah bak nih a chim.Cristiano Ronaldo nih hi bia a chim mi hi ruah tik ah dribbling in a rak chuih ning bantuk hna kha cu hmuh awk bak a um taktak ti lo,a thiam nak te a tlau maw tiah cun a tlau bak fawn loh.

 

Juventus star Ronaldo cu vawlei cung pumpululh chuih zaangleknak lei ah cun vawlei cungah a mah tluk in a rang mi le a t’hawngmi cu an um bak rih lo lo a tu ah a cawlcangh ning le cu hlan i Manchester United le Real Madrid ah a rak chuih lio hrawng he tahchun ah cun a tla ve taktak khi a si cang.a si na in a mahtluktu minung cu an um hraw rih lo.

 

Cristiano Ronaldo nih cun pumpululh chuihnak kirawn hmun chungah midang he pumpululh kan van i chuh tik i ka cuh mipi vun hlen le pumpululh van i lenh deuh cu ka thinlung nih a theih ko na in kan taksa nih a nguh ti lo caah a ran nak in goal lei ah chuih lengmang tu kha ka timh mi a si ko cang tiah a chim.

 

Cun kan taksa le ka thinlung zawng nih zei can khi dah pumpululh hi ka chuih khawh te hnga tiah ka ruat tawn i ka thinlung chungah hin pumpululh chuih hi a um tuk ti lo,ka chuih khawh cem ah kum 35 tiang hrawng khi ka thinlung chung cun ka timh mi a si cem ko tiah a chim.Cristiano Ronaldo hi a tu ah kum 34 a si cang i a chim ning in a um taktak ah cun kum 1 chung te lawng pumpululh a chuih cang lai ti nak a si.Inkhel.com

Author: Salai Ephraim