Cu Thawngtheih Cu A Mak Ko: Pastor Suan Za Maung Nih Hngakchia Nu Kum 13 Minung Pahnih A Tleihhrem Hna

Kalay peng chung a si mi Cuht’hungpin peng ah Missionary rian a t’uan cuahmah mi Pastor Suan Za Maung kum 45 pa nih cun a rian t’uan nak khuami hngakchia Nu kum 13 lawng a si rihmi kumtlinglo minung pahnih hna cu a tleihhrem hna ruangah,a um nak inn neitu hna nih Kalay palik hna sin ah an report i june 15.2019 zan ah khan palik pawl hna nih cun a um nak inn bak ah an rak tleih tiah an chim.

Tawngphilah Thlacamnak Inn sak mi photo.

Hi konghe pehtlai in Cuht’hungpin khuabawi Pu Nang Za Cin nih cun Pastor Suan Za Maung nih hi tibantuk in kum tlinglo hngakchiaNu minung a tleih hrem hna hi june 14.2019 ah khan Tawngphilah khua thlacamnak ah an pahnih in a sawm hna i,cu Tawngphilah khua thlacamnak inn chung bak ah hi ti bantuk in a tleihhrem hna hi a si tiah a chim.

Cun an thlacamnak hmun in a zan lila ah an rak kir i a thaizing june 15.2019 ah cun thlacamnak ah kal t’han dingin Pastor Suan Za Maung nih cun a tleihhrem mi hna pahnih cu a rak sawm t’han rih hna tik ah Nu hna nih cun an t’ih cang i an kal ngam ti lo.asinain an Nau nu kum 11 nute belte cu a kal ve t’han.cun an Nau Nute kum 11 cu a pi le inn ah a va leng i an Pi le hna nih an Fa le muihmai an dik lo tik ah thil umtu ning an hal hna i,Pastor Suan Za Maung nih a tleihhrem ning hna cu fian tein an chim.

Pastor Suan Za Maung Vs Tawngphilah Thlacamnak photo.

Pastor Suan Za Maung hi cu hlan a rian t’uan nak ah cun mi ding, mi fel ngai mi a rak si.a tu ah hi tibantuk in thil a cangmi cu mipi nih an theih tik ah khuaruahhar ngai in an um tiah an khuabawi nih cun a chim.cun Pastor Suan Za Maung cu Kalay District palik nih section number 376 hmang in an tleih i kum 43 chungah thongtla dindgin biachah piak a si tiah an chim.

Credit: Free

Author: Salai Ephraim