Cu Tluk Nu Sual Cu Fa A Pawi Lio Mi A Thah Khawh Lo Ruangah Neih In Thla Hnih Hnu Ah A Thah Thiamthiam

American ram chung a si mi Chicago khuapi chungah khuasa mi Ngaknu Ms Marlen Ochoa-Lopez, kum 19 nih cun Fa a pawi i a chungah a um mi fa te cu a duh lo ruangah thah dingin/a nau pawi mi thlak dingin si a phunphun a din bu ah a nau pawi mi cu a that kho bak lo.cu tin cun a nau pawi mi te cu a Nu paw chungin a hung t’hang lian i Ms Marlen Ochoa-Lopez nih cun thla tlinglo bak in a fa te cu hrin.

Ms Marlen Ochoa-Lopez photo.

Cun a fa hrin mi cu a pawi lio ah thahnak dingin a phung phun si tampi a din-ei piak ruangah a fa te cu a taksa a tlam tling ko na in a thluaklei mi hawi dang a lawh lo caah sizungah cun chiah cawlh a si.a hringtu a Nu bete cu an mah inn ah chiah a si.a mah belte a hringtu a Nu nih cun a fa sizungah zohkhenh cuahmah a si mi cu zei tik caan paoh ah a va zoh khawh peng tiah an chim.

Hi konghe pehtlai in dothlatnak a tuahtu palik pakhat nih cun hi hngakchia te cungah hi tibantuk in thluak tlamtling lo in a um nak hi a hringtu a Nu paw chung a rak um lio ah a Nu nih thah dingin si-ai phunphun a rak din-ei ruangah a si tiah a chim.cun cu hngakchia te cu thlah hnih a si hnu ah a hringtu a Nu nih cun sizung ah a rak zoh i a fa te cu a ral thah tiah a chim.

Asinain Ms Ochoa-Lopez’s nih cun ka fa hi kei mah thah mi a si lo a mah ngandamlo nak ruangah a thi mi a si tiah a chim peng ruangah t’uan voneitu palik pawl hna nih dothlatnak an tuah cuahmah peng rih tiah an chim.

Source: BBC