Japan ram chung a si mi Kawasaki khua ah mi pakhat nih Namte hmang in zei sualnak neilo minung pahnih a thah hna pin ah a dang minung 16 hna cu fak lak in a hliam hna tiah an chim.cu hnu ah mithat pa cu a mah le a mah a Namte hmang in a that cawlh ve tiah an chim.
Mah pa nih a thah mi hna konghe pehtlai in Nippo Medical School Musahshi Kosugi Hospital deputy director Kiyoshi Matsuda nih a chim ningah cun hi Ca cawng lio mi hngakchia kum 12 Nute le civil mi sawhsawh a si mi kum 39 pa an si tiah a chim.
Cun Namte nih a sawhtu hna hi kum 50 minung a si.Japan Prime Minister Shinzo Abe nih cun zei sualnak nei lo hna cungah mah bantuk thil a cangmi cu lungfak taktak a si.mithi chungkhar hna kan in tuarpi tuk hna tiah a chim ve.
Cun hliamhma a tuar mi vialte hna zong a si khawh chung in kan in zohkhenh hna lai i a rauh hlan ah damnak tlamtling an hmuh khawh nak dingin kan i zuam lai tiah a chim fawn.
Kum 50 pa nih a tu bantuk in mi Namte in a sawh lio hna a hmuhtu hna nih an chim ningah cun,” kum 50 pa nih cun Namte ken bu in Ca cawng lio hna nih BUS an hngahnak hmun i an um nak ah a va fuh hna i kan thah dih hna lai tiah a au pah in pakhat hnu pakhat in Namte cun a sawh duah mah hna tiah”an chim.
Source: BBC
