Cutluk Phungki Pa Ralthat Cu A Herh A Si Ah Cun Kawl Ral Bawi Pawl Hna Cu Biaceih Zungah Kan I Tong Hna Lai A Ti

Kawlram phungki U Sik Nih Tah timi pa nih cun a facebook hmangin kawl ralkap pawl hna cawlcangh ning le an tuahser nak hna cu an sining bak in a chim phuan pin ah kawl ralkap pawl hna cu faklak in a soisel hna tiah theih a si.Phungki U Sik Nih Tah nih a chim ningah cun kum 2007 lio i kawlram phungpi pawl hna lak ah buaibainak a rak chuak mi zong kha kawl ralkap hna ruangah a si tiah a chim.

 

Phungki U Sik Nih Tah cu kawl ralkap Col.Thant Zaw Oo nih sep 5 ah khan Pyigyithakhun palik zungah a t’an i,Phungki U Sik Nih Tah nih kawl ralkap cungah a tuah sermi hna cu Pyigyithakhun palik zung nih pohmah 66nak in an cohlan piak tiah theih a si.hi konghe pehtlai in Phungki U Sik Nih Tah nih cun a hman lo mi zei hmanh thanhnak kan tuah mi a um lo caah an duh a si ah cun biaceih zungah thil sining cu fiang tein kan chim dih ko lai tiah t’ihphan nak ngeilo bak in a chim.

Phungki U Sik Nih Tah photo.

Phungki U Sik Nih Tah nih hin a luancia mi March thla in May thla tiangah khan Van Sein Tita ti mi in facebook a ccount a tuah i,cu facebook account a tuah mi cu hi ti’n a chim,”kawl ralbawi pawl hna nih cun an mah caah thil t’ha an hmuh khawh nak ding le miak nak ding an hmuh khawh nak ding caah cun zei sualnak a ngeilo mi hna zong an duh paoh in an tuah hna pin ah ningcang lo in mithil an chuh hna”tiah a thlah.cun,kawl ralbawi pawl hna nih mah bantuk in mi cungah hremnak le mithil ningcang lo in an chuh mi hna hi an mah cungah tlung ve sehlaw zeitin dah an ruah hnga? tiah a chim fawn.

 

Phungki U Sik Nih Tah nih kawl ralbawi hna kongah mah bantuk in bia an rak thehdarh ka ah hin Col.Thant Zaw Oo nih May thla ah khan voi khat cu Pyigyithakhun palik zungah tleih dingin nawlpatnak Ca a rak phanh ter.asinain Pyigyithakhun palik zung nih cun July 23 ah khan cu Ca cu an rak hnawl piak cang i a tu hi a voi 2nak taza a cuai a si tiah an chim.mah Phungki U Sik Nih Tah hi a tu ah Mandalay, Chanmyathaya sang ah a um mi Phungki sianginn ah cawng saya a t’uan cuahmah mi a si.a mah belte pohmah 66nak in a cungah zei bantuk dantatnak dah an pek te lai ti cu theih a si rih lo.

Credit: chindwinpost

Author: Salai Ephraim