Dalaan An Si Ko Tiah Purhdah Mi Minung Zali Renglo Thah An Si

Dalaan tiin purhdah mi 400 renglo an thah hna tiah SAC phu nih thanh.2021 February 1 in September 27 tiang ah Dalaan tiin purhdah mi minung 406 an thah cang hna i minung 285 an hliamh hna, tiah SAC phu nih October 2 ah an thanh.”Dalaan tiin minung 406, Peng 105 chung palek sakhaan 116, Yekin 46, Zung 28, Inn 58 an rawk. Hihi Hriamtlai Phu nih an tuah mi a si,” tiah an thanh.


Peng 372 chung ah kutcheh bomb/kutser bomb kahdohnak voi 2,460 a um, Peng 134 chung ah Thalpak in kahnak voi 340, Peng 26 ah hriamngan kahnak voi 34 tibantuk a cang i hlei hrawh, inn khangh tibantuk a cang tiah an thanh, tiah VOA nih a tial.

 

Relchap: Chinram MP a rak i cuh mi hna konghe pehtlai in Vaurawng media nih Myanmar Secretary CDM, Mizoram Um Pu Tlir Lian Thang cu online tonbiaruahnak an tuah i bia tampi a chim mi chungah Chinram ah MP a rak i cuh mi “Mizoram” ah ralzam dir hmun in khuasa mi kongah a chim mi theih a phu ko tiah a point te in ka vun tarlangh.

Chinram le miphun nih kan i bochan mi hna MP ai cuh mi hna Mizoram ah ai dor mi hna cu hmunkhat kaa teah um ter le khuasak ter an si.mah hna Mp pawl nih cun Chinram a chuah tak mi Chin miphun pawl cu kan MP pawl hna nih dir kamh le bawmhchanh chim lo in a zoh hmanh an zoh duh hna loh tiah theih a si.

Hi kongah Pu Tlir Lian Thang nih a chim mi cu Mizoram ah ai dor mi Chin MP pawl hna cu,Chin miphun a rak zaam mi hna an i dor nak hmun “camp”ah kan chiah mi hna hi va kal in thazaang pek hna usih tiah ka va sawm hna hmanh ah an duh lo.CDM le Chin ralzam Mizoram khuasa caah cun an thawng pakhat hmanh theih awk an um lo tiah a chim.

Hi ti an um ruangah voi khat cu kan MLA hruaitu hna nih Chin MP a rak zaam mi hna sin a va kal in lungduh bia i ruah pah ding le lakphak ti din pi dingah a rak ka sawm i ka duh loh, ka kal lo phah tiah a chim.

Author: Salai Ephraim