CNA Ralbawi hlun Lt.Colonel Hre Tling cu tuandeuh ah kan thanh cang bantuk in June 10th,2019 ah USA i kan Chin miphun he tawn ding ah a rak phan. CNF Chairman Pu Zing Cung, CNF AGS-3 Pu Htet Ni he USA ah a um mi CNA ralkap hlun pawl rianttuan tti than nak ding meeting indianapolis khua ah tlamtling te in an tuah pi hna hnu ah USA ram i kan miphun umnak khua tamnawn ah a va tlawng. Kan hnu zarh kha Indianapolis khua ah dam tein a rak kir tthan i, nihin Over sea Chin Church vialte ah a ngan bik mi Chin Evangelical Baptist Church (CEBC) biakinn ah a kan pumh pi.
Nihin CEBC ah khualian tampi an rak kan pumh pi kho i lawmh a um ngai.. Lt.Col Hre Tling (Pu Hre) lawng si loin, Rev. Dr. Ceu Lian Thang, Rev. Tawk Lian (CCU, Hakha) le a dang upa hna mit-hmai kan hmuh hna i a sungluai kan ti. Phumh dih in CEBC Pastor John Za Thleng, Pastor Thawng Lian, Pastor Van Thakam Thang, le CEBC hruaitu pawl Pu Van Ceuuk Khenglawt, Pu Johan Duh Peng le upa dang hna nih CEBC ah a rak i pummi khual lian pawl cu rawlei pi nak ngeih a si. Lunch ei nak ah Pu Hre cu an zapi tein suimilam 2 chung bia ttha ttha an ruah, thawng pang an hal. CEBC hruaitu hna cung ah CNF aiawh in kan ni lawm.
Zan lei ah kan u, kan hawittha CNF/A ralkap hlun; Surgeon-Major Biak Ceu (Pu Biak) kan va leng. Pu Biak le Pu Hre hi ralkap a saupi a ttuan tti mi an si. An rank zong Senkhat in senthum tiang aa rak i khat peng mi u-nau bantuk in a ummi hawikawm ttha an si. Pu Biak cu CNF/A ah 1989 in 2006 tiang (kum 16 chung)a rak ttuan mi kan upat mi kan hawi ttha a si. 2009 in USA ram Indianapolis khua ah a chungkhar he khua an sa. Pu Biak te an nu (Joseph nu) nih La-pheh-tawh a kan tuah piak i, suimilam 2 chung kan rak tawn mi hnu lei caan i CNF/A cawlcanghnak kong pawl kan ni ruah. Kan ni nuam. Nihin cu kan 3 caah ni sungluai a si.
Hi kan hawi ttha Pu Hre, Pu Biak le an hawi le pawl thih-ri le nun-ri in reitheih an rak tuar nak ah Pathian nih thlua a chuah i, Chin miphun vawlei cung ram ttha ttha kan phan, thil ttha ttha kan tawn. An cung ah kan ni lawm zungzal. Kan Bible chung ah aa ttial mi kan Bawipa Zisuh an tuknak le a in a tuarnak cu nang le kei kan dam nak le kan nunnak a si aa ti ban tuk in hi kan hawi le pawl an rei a rak theihnak hi nihin nan nih kan nih thilttha kan hmuhnak caah a si. Hi kan hawi le pawl hi kan tawnnak hna hmun pauh le a rat nak khua cio ah kan miphun nih dawtkhawh, lawmhkhawh cio i zuam cio ko hna uh sih.
Credit: Daniel Sakhong
