Myanmar former dictator U Than Shwe i a tufa Brigadier General Thein Naing cu Ca cawn ningani ah khan taksa ngandamlo nak ruangah Naypyidaw ah a thi i Daw Aung San Su Kyi nih cun a thi mi a pu U Than Shwe sin ah cun hi ti’n hnemhnak bia a chim,”U Than Shwe nang le na chungkhar hna nih nan tuarnak le nan ngaihchiatnak hna cu kei mah pumpak in kan tuarpi taktak hna,nan zun ngaihnak cu kan tuarpi hna i thla kan cawm piak hna”tiah a chim.
Kawl pumpi ithimnak ah National League for Democracy NLD cozah nih teinak an rak hmuh hnu in kum 2015 December thla lio khan State Counselor Suu Kyi le U Than Shwe hna hi a rak i kom taktak mi hna an si.U Than Shwe nih hin State Counselor Suu Kyi cu kawl ram pumpi hruaitu ding a si te lai tiah mipi hna sin ah an rak dirkamh nak bia hla a rak chim phuangtu a si.
Amah belte kum 1992-2011 lio ah khan U Than Shwe nih cun State Counselor Suu Kyi cu khua zei hmanh um kal kholo bak in a rak hrem bal cang.cu pin ah Inn chungah a rak erh i inn leng hmanh an rak lamhter duh bak lo tiah an chim. NLD nih nawl ngeihnak biatak tein a vun lak hnu in cun U Than Shwe cu mipi hmuh khawh awk in a um ti lo i a tu ah a tupa a thi mi ruak vuinak lawngah hmuh khawh dingin a tuah hi a si tiah an chim.
State Counselor Suu Kyi nih a mah a rak hremtu bak a si mi U Than Shwe sin ah a tu bantuk in hnemhnak le tuarpi nak a langhter mi ruangah hin kawl ram mipi hna nih cun khuaruahhar in an zoh pin ah cu hlan nak in an vun uar deuh fawn tiah an chim. mipi hna nih cun State Counselor Suu Kyi cu mi cungah teirul cham duhnak thin lung a pu mi a si lo i a mah bantuk hi kawl ram hruaitu vialte hna lak an an um lo tiah an chim.RFA