Atu kan ram sining zoh ah cun Chin miphun sin ah Kawl miphun hna nih hlen nuam an kan ti tuk i,hlen an kan timh peng ti cu a fiang ko.zeicatiah Kawl miphun an cawlcangh ning nih fian tein a langhter ko cang.kum 2020 ithimnak hi Chin miphun zong nih biatak tein kan buaipi cio mi a si bantuk in Kawl miphun hna zong nih biatak tein an buaipi cuahmah ve.Party pakhat le pakhat karlak ah bia vaivuan tampi a chuak cuahmah cang.cucu a phung a si fawn ko.
Cun, Party pakhat le pakhat karlak ah a phun phun in biavai vuai le biathli a chuak mi pawl hna nih cun Democracy ram sinak a thawtnam”ayahta”cu a si ko.Party pakhat le pakhat i chimrelnak ruangah mi zei hmanh pumpak in i huak awk le i ral awk hlei cu a um awk hlei a si loh.NLD nih 2015 ithimnak lio ah mipi an rak tei hna ruangah ningcang tein tei nak an rak hmuh khawh.
Asinain NLD nih teinak an hmuh hnu in ram t’hancho nak taktak cu zei hmanh tawlrel a tim lo ti usih law kan palh tuk lai ti cu ka zum lo.zeicatiah tuchun ni tiang thil umtu ning cu kan mit in siseh,kan hnar in siseh kan theih dih cio mi an si.2020 ithimnak zongah hin NLD hi zumh cem mi le a thazaang a t’hawng cem mi cu an si fawn rih.NLD nih cun Tlang cung mi hna caah federal cu tuah piak an kan tim lo i Second Step tu ah chiah piak an kan timh fawn.
NLD nih zei tin dah Tlangcung mi hlen an kan timh tiah cun Democracy le Federal min i put in Tlangcung mi hna sin ah Democracy hmanh hmuhta lo ah cun Federal cu pek hmasa phung a si lo.Federal hmuh nak dingin nan au caan a si lo ti hi a si.cu thil cu Chin ram ramkheltu pasal t’ha zei maw zat hna nih cun an theih i aupi an timh cang.cucu Kawl miphun ruahnak cu a si caah Chin miphun nih kan lungfim a herh taktak cang.
Asi ah teh,zei tik ah dah Democracy cu zei tin dah kan hmuh khawh ning a si ne lai?Chinram khulh milung fim pawl hna nih cun Democracy kan hmuh khawh nak ding caah dawnkhantu bik cu Hluttaw ah nawlngeitu kawl ralkap pawl hna an um ti lo tik lawnglawng ah Democracy cu pek kan si te lai tiah an ruah.asiah teh Hluttaw in cun zei tik ah dah Kawl ralkap cu an tlau khawh ne lai?a tu bantuk term a si peng ko ah cun Hluttaw in ralkap 5% tlawmter an timh na in 25% tluk cu kum 2045 tluk hnu lawngah Democracy in federal ah a phan kho dingmi kan si.
