Democrats Le Midum Pa Obama Hna Caah Mangchia Taktak A Si

Tuchun in Washington Capitol Hill ah Democrats le Republicans, Senators hna cu Amy Coney Barrett’s Supreme Court confirmation hearing an thok cang.hi Amy Coney Barrett’s Supreme Court confirmation hearing hi ni 4 chung bak tuah ding a si.GOP’s lei nih cun hearing an thok mi hi can karlak ah zei maw sual um lai le cancel lai an phang taktak.a mah belte hearing nih zei bantuk dah aa tinh ti mi bel theih a si na in Democrats hna nih cun Obamacare rawh nak dingah an tuah mi hearing a si tiah an chim.

 

 

 

Democrats hna nih cu bantuk in an chim nak aruang cu President Donald Trump nih Twitter chungah a tarlangh mi cu Republicans hna nih Affordable Care Act nak in a let i a t’ha deuh mi kan nei.Obamacare nak in a let i a t’hat pin ah a man zong a niam deuh lai,mipi hna lak ah ningcang lo in i thleidan nak te hna.ningcang lo in phaisa man i lak te hna tibantuk a um lai lo.ObamaCare nih mipi sin in ningcang lo phaisa a lak mi le michia le mitha karlak mit zoh in rian a t’uan mi bantuk a si lai lo “We will have Healthcare which is FAR BETTER than ObamaCare”tiah a chim.

 

 

 

Zeiruangah dah Republicans Healthcare cu Democrats nih an t’ih i an thinphan tiah cun Supreme Court ah hin Conservative Judge 6 an um a si ah cun Obamacare le Abortion ningcang lo in nauthlak or thah khawh nak upadi hna hi fawi tein an hrawh khawh caah a si bik.Judiciary Committee Chairman Sen. Lindsey Graham nih cun Amy Coney Barrett cu November election hlan hrimhrim ah biachahnak cu kan tuah awk a si lai tiah a chim.

 

 

 

Cu pin ah Amy Coney Barrett cu Nu hna lak ah micung cuang a si tiah a chim.Amy Coney Barrett cu Trump anti-abortion Supreme Court nominee a si.mah hi Democrats nih a tling sual lai tiah thinphang taktak in a lam kip in kham an timh cuahmah ve mi a si.a tlin a si ah cun Democrats nih an mah tein an chim mi a tling taktak kho.

Author: Salai Ephraim