Democrats Party Hruaitu Pawl Hna Nih Trump Cu Ruru Hranghrang Bak In Kham An Timh

Zahan ah US cozah le Iran cozah karlak thil konghe pehtlai in Secretary of State Mike Pompeo le Defense Secretary Patrick Shanahan hna nih cun US nih Iran hi kah le rawh a tim lo i Iran cozah nih ningcanglo in rian a t’uanmi kha makter dingah le ton biaruahnak neihpi dingin aa timh deuhmi a si tiah fianternak an tuah t’han tik ah Democrats hruaitu hna le party dangdang hruaitu pawl hna nih cun Trump nih Iran kah/doh a timh mi cu kan lungtlin pi lo caah Iran ram kongah Trump nih policy a hman mi hi a ran nak in a mak awk a si tiah an chim.

Cun Trump cozah hna nih cun Iran hi kah cu kan tim hrimhrim lo,amah belte Iran nih thil t’ha tuah a timh lo i cu hlan bantuk in hriamnam ser le ram dangmi hna sin ah zuar a timh peng a si ah cun Iran cu full bak in a lam kham dih kan duh tiah an chim.cun US cozah nih Iran ram lei ah a thlah mi hna a cozah ralkap cungah hriamnam a hman sual a si ah cun full bak in Iran cu kah cawl a si lai tiah an chim.

 

Democrats pawl hna nih cun Trump cozah nih Iran ram kongah chim fian nak le zei set dah Iran cungah tuah an i timh ti mi fianternak a tuah duh zawkzawk lo mi cu zei ah an kan rel lo tu a si.Secretary of State Mike Pompeo nih Iran ram kongah fianternak tuah ding cun kan buaituk rih tiah a chim peng mi cu zei ah an kan reltu a si caah Iran ram kongah tuah an i timh mi cu an mak awk a si lai tiah an chim.

 

Cun Top Democrats pawl hna nih cun Trump nih JCPOA rian t’uan nak a chuah tak ruangah Iran hi rawh le tuk a duh nak cu a si tiah ningcanglo taktak in an puh fawn.South Carolina Sen. Lindsey Graham nih cun Trump cu Iran ram he pehtleihnak nan rak tuah tawn ning bantuk khan Iran cu na pehtleih awk a si deuh?na tuk/kah awk an si lo,hi thil na tuah mi nih zei hmanh thil t’ha a chuahpi lai lo tiah a phomh fawn tiah an chim.

 

Source: CNN