Denmark Ram Mithi An I Phumnak Thlanlung Ah Theihlo Mi Nih Setan Hmelchunhnak Number 666 Cu A Rak Tial Dih

Khrihfa mi hna nih sahrang hmelchunh tiah kan duhlo ngaingai mi number 666 cu Denmark ram chung khua pakhat ah Mithi an i phum nak hmun Thlamual, Lungphun mi cungah cun mi zei a si ti theihlo mi nih sahrang number 666 cu an rak t’ial/khenh dih caah mipi khuaruahhar ngai in an um tiah an chim.hi Thlanmual hi a vengtu zong an um ko na in zei hmanh theihmi an nei lo tiah an chim.

Cun, hi Thlanmual hi Chaklei Denmark ram chung a si mi Juthland khua Thlanmual a si i,hi Thlan pawngah hin Hadsund Church zong a um tiah an chim. Denmark, regional police pawl hna nih cun hi thil hi mi zei tuahser mi dah a si?a ho nawlpek nak in dah an tuah i a ho set dah hi thil a tuahtu ho a si?tiah dothlatnak an tuah cuahmah.asinain zei hmanh hmuh chuahmi an ngeih lo caah pehzulh peng dingin biachahnak zong an tuah tiah an chim.

 

 

Regional police t’uanvo neitu hna nih cun hi thil a tuahtu hna hi tleih hrimhrim kan i tim lai,zeicahtiah cun hi tibantuk in a luancia zei maw zat lio ah khan Denmark khuapi chung Visborg church Biakinn pawngah Thlanmual a um mi hna cu voi khat mah tibantuk in an rak tuah bal cang i,mi zei an si hmanh theih lo in rak um cang a si.

Cun,a tutan ah Juthland khua Thlanmual hi cu hlan an rak tuah ning bantuk tein an tuah t’han i,hi thil a tuahtu hna nih hin i timh mi an ngei lai tiah kan zumh.an mah kan tleih khawh hna ah cun zei dah an i timh ti kha fiang tein kan theih lai.kan tleih khawh hna lo a si ah cun hi thil hi hmun dangdang ah a cang kho lengmang mithil a si tiah an chim.

Source: BBC

Author: Salai Ephraim