Chin National League for Democracy CNLD party hna nih cun Chin Ramkulh Paletwa chim lo in Chin ramkulh chung khuapi dihlak ah Zung awn nak an tuah dih cang.cu pin ah Sagain ramkulh le Magwe ramkulh zongah an tuah dih cang.Ara lai mi 2020 rampi ithimnak konghe pehtlai in CNLD Chin Party nih ithimnak ah teinak kan hmuh khawh a si ah cun a tu lio i cozah rian a t’uan cuahmah hna NLD party hna nak in CNLD Chin party nih 100% tluk in rian kan t’uan kho deuh lai tiah CNLD hruaitu Pu No Than Kap nih a chim.
CNLD hruaitu Pu No Than Kap nih a chim ningah cun a tu lio i Chin mipi hna nih an ngiat mi le an bizoh cem mi hna cu Lam, Hlei, electric, inn lo pawl hna lawng an zoh.Chin mipi nih a tu lio ah an ngiatthlai mi pawl hna hi a ngaingai tiah cun zei party paoh nih an tuah khawh mi le an tlinh khawh mi lawng te an si.cun, hi thil pawl hna cu mi zei party hmanh nih tei nak hmu hna sehlaw an tuah awk rian hrimhrim a si fawn.
Cun, kan nih CNLD Chin party nih teinak kan hmuh i a cozah kan si khawh tik ah cun party dangdang hna nak in Chinram le mipi t’hancho nak caah a herh mi thil paoh cu kau deuh le pical deuh in kan tuah khawh lai.zeicatiah cun Chinram le Chin miphun a daw taktak tu hna nih biatak tein a ram le miphun caah rian t’uan ah cun (give and takes) ti mi cu a um t’han lai tiah ka ruat lo tiah a chim.
A tu lio ah cun contractor minchia chia hna hmanh nih rian t’uan awk an hmuh peng.cu a sullam cu ramkulh a cozah rian t’uan a t’hatlo ruangah a si.cu bantuk rian t’uantu hna ruangah Chinram le miphun t’hancho tlak taktak in rian an t’uan lo tiah a chim.CNLD party nih cozah a dirh a si ah cun Chin ramkulh chung Sianginn dihlak ah mah le Ca cio le kan nunphung cio cawn khawh nak dingin kan tawl rel lai.asinain a tu lio dir hmun ah cun kan nunphun le kan Ca vialte hna zong an lo tlau cuahmah i miphun dang nun phung nih an kan khuh dih.
CNLD nih teinak a hmuh khawh a si ko ah cun CNLD party cu party dang nih a tuah cia mi phunghram tangah kan um lai lo.kan mah phunghram tang teah kan um lai.Chinram le kan miphun t’hancho nak ding le rual rem tein kan um khawh nak hnga dingin phunghram kan i ser lai.cu tibantuk thil a si khawh nak ding caah CNLD Chin party cu (politics world) ah kan itel ve nak a si tiah Pu No Than Kap nih a chim.
Credit: chindwinpost
