Dr.Sasa hi Laimi tamdeuh nih cun kan theih dih lai dah. Lairam puicimh a rak ton lio ah heh tiah miphun zawnruahnak he bawmhnak a rakpetu pasaltha kan ingeihmi a si. Armenia ramah siibawi arak cawn hi Dr.Sasa nih achimning ah cun Pathian nih Chin miphun caah tinhmi a rak ngei ko ti hi nikhat hnu nikhat ka fiang chin lengmang tiah a ti. Dr.Sasa nih achuahkehnak a chim ningah cun, Amah hringtu apa pa hi Hakha chuak a si i hringtu anu lei tu hi Zophei a si tiah a chim.
Sasa apu cu Mara ram leiah khuasa in a um ruangah nihin ah cun Laimi cheukhat nih midang pi ah aruatmi kan tam. Achuah ni thla zong aa thei lo. Anu nih achuah ni thla achim ningah cun, nangmah cu zingka ruahsur lio ah na chuak tiah kanu nih a kati a si. Cu caah kei ka chuah ni thla cu zingka ruahsur lio hi a si ati. Dr. Sasa nih zeitlukin dah Chin ram hi a dawt timi cu chim haulo in atuahsernak in alang dih ko
Tutan USA akalnak ah hin thil tamtuk hi tuahmi a ngei. Atonmi minung hna hi, Washington DC i State Department riantuantu US Ambassador to Myanmar, bureaus of Diplomatic Security, Unit Chief office le Desk Officer, Dorone CEO, US Federal cozoh i Director, Research ans Policy, USCIRF Director, Medical college,USA Capital HighSchool,Covenant Christian Academy, Virginia State, Washington DC Stonewall Jackson High School, radio show, Mr, Fritz, President, DeBoer Foundation, United States Agency for International Development ( USAID), Churches tibantuk le a dang dang tamtuk he tonnak an ngei hna.
Dr.Sasa nih a miphun hi zeitlukin dah zawn a ruah hna timi hi hmurka in chim khawh a si hrim lo. Hibantukin miphun cungah dawtnak le zawnruahnak a ngeimi hi kan Chinpa ah cun an um lem lai lo. Dr.Sasa nih a chim ningah cun, kanmah kawlram leiah tanghra an on bakin India ram Shillong ah tang 11-12 kaiter an si. Cu hnu ah anmah le an dirhmun sining zohin cunglei kaiter an si tiah a ti. Hi minung 100 college/University an kaitermi hna chungah hin minung 10 hi sii lei doctor an kai lio a si i, Engeneers hi minung 5, le nursing hi minung 10 an si hna. A dang vialte hna cu faculties dang dang an si hna.
a biachimnak link te hi rak hmeh piak law rak ngai pah.
.https://www.facebook.com/390869914888799/videos/1327510860759959/?t=84
Hi tibantukin harsa tak takin sponsor kan pekmi hna nih sianginn kainak ah mark tha tha an hmuhmi ka hmuh hna tikah kaalawmhnak mitthli a luang. Hi hi Pathian thluahchuah lawngte a si. Keiman nih ka tuah khawhmi a um lo, Bawipa thawng lawng lawng a si e a ti. Hi hna vialte nih hin an dih cio tikah khua le ram caah an dihlakin riantuan an i awt hna lai tiah a ti. Cheukhat a dih cangmi hna cu Lailenpi tanghra sianginn ah rian an tuan dih.
Mah sianginn ah a kaimi siangakchia chungin tanghra onnak a thami minung 10 kan thim than hna lai i, hmundang leiah sianginn kaiter an si hna lai a ti. Dr.Sasa nih hin zeitlukin dah a miphun caah rian a tuan timi hi kan theihlomi thil tampi a um rih lai. Zeitlukin dah a miphun hna cungah dawtnak a ngeih timi zong hi hmurka men cun chim khawh a si lai lo. Mahtluk miphun caah thiltha atuahtu minung hi micheukhat nih cun an hmuh piak theng rua lo.
Dr.Sasa nih a chim ningah cun mah World Bank bawmhnak hi Paletwa Township in thawk a si lai i, Matupi le Thantlang Township tianga kal khawhnak lai Scheme ah telh chih dih dingin World Bank riantuantu sinah kan chim. Cun mah World Bank bawmhnak Stiphen hi siangakchia dihlak in pek cu a har ngai lai, ngakchia an dirhmun zong in zoh an si chih lai. Hika zawnah kan chim chihmi cu siangakchia dihlak in pekhawh a silo zongah a tam deuh nih an hmuh khawhnak hnga zong biatak tein kan chim chih a ti.
Dr.Sasa Doctor kum 7 a rak kainak hi Armenia ah a si. World Bank president a zong hi Armenia minung a si ve. Cu caah World Bank president nih cun Dr. Sasa cu rawldumtinak hna a neihpi tiah thawngtheih a si. Dr.Sasa nih cun hi vialte hi Pathian khuakhan a si, Armenia thengte ah Doctor ka rak kaimi te hna hi Pathian nih kan Chin miphun le ram caah tinhmi a rak ngei dih mi a rak si ko tiah a chim.
