Zunthlum zawtnak kan ngei ti itheih bak in t’ha tein i thlopbul cawlhlo ah cun fawi tein damh khawh a si lo pin ah Zunthlum zawt nak cu caan saupi a nguhmi a si.Zunthlum zawt nak ngeih hnu ah cun kan taksa nih ei-din a duh mi thil ei din piak khawh a si ti lo.zei tluk ei kan cak mi hna le din kan duh mi hna zong ei din ngam a si ti loh.a bik in Zuntlum zawtnak kan ngeih hnu ah cun kan zual maw zual lo zongah a “thlummi” thil phun paohpaoh cu ei din ngam a si lo.
Cun, Zunthluk zawtnak hi zei tluk in dah t’ih a nun tiah cun,”Zunthlum zawtnak kan ngeih nak caan a sauh hnu cun “Alzheimer’s disease “ah a cang.Alzheimer’s disease ti mi cu a fawi nak in kan chim a si ah cun kan “Thluak” chungah Zuntlum zawknak hrit cu a lut i “Thluak” rian t’uantu “cells”timi a thah khawh.cu tik ah kan tluak cu a reu i thluak reu nak in a phungphun in kan taksa chungah zawtnak rai a dangdang a chuakter khawh.Thluak zawtnak in”Mit” ah a thawn kho rih.cu hnu ah”Mit cawt”a si lo ah mit au ngamlo tibantuk a phungphung in a chuak kho.
Cun, Zunthlum zawt nak t’ha tein thopbul lo in kan zualter a si ah cun hlan liopi in zawtnak fak ngai in kan rak ngeih cia mi a dam cang tiah kan rak ruah mi zawtnak kan ram ngeih mi hna tiang khan a thar in zawtnak hrit hna cu a nunter khawh ti a si fawn.cucaah Zuntluk zawtnak hrit konghe pehtlai in dothlatnak a tuahtu hna nih cun Zunthlun zawtnak hi “chronic”saupi a ummi zawtnak tiah a min an kawh cang ti a si.a bik in Zuntlum zawknak a ser nak a hrampi cu zei dang ruangah si lo in”A thlum mi” thil ei din nak in a chuak mi a si tiah an chim.
Zuntlum zawtnak le Chin miphun a tam u kan nun ning ruah tik ah thinphang ngai a si mi cu,”Chin mi a cheu hna nih cun zingka kan thawh bak in Puri,Changreu le lakphak dinei kan hmanh mi hna hi an si”.Zunthlum zawtnak konghe pehtlai in dorhlatnak a tuahtu hna nih an chim ning le kan Chin miphun hna nun ning ruah ah cun a ralchan ngaimi a lo.Nu le Pa nih Fale dinei kan pek mi hna tiangin i ralrin ngai a herh.mah le mah zawtnak le fahnak lam a kawl mi ko khi kan loh pah tiah ka ruah.
New York khuapi chungah minthang a si mi Medical Director of Pedre Integrative Health President Dr. Vincent M Pedre nih Zunthlum zawtnak konghe pehtlai in a chim mi cu vawlei cungah hin ” Drugs” rithnaksii tonghnak ruangah a thi mi an tam cem cang tiah kan chim ko na in a tu ah cun “Drugs” tongnak ruangah a thi mi hna nak in “Zunthlum zawtnak”ruangah a thi mi an tam deuh cang.zeicatiah cun minung nih a thlum-al kan duh ruangah mah le sining tawk in a t’hanglian dingmi kha a thlum-al an ei nak ruangah an mah le kum,pum tluk in a t’hang-lian dingmi cu ningcang lo in an taksa a karh/lian tik ah Zuntlum zawtnak a ngei mi an tam tuk cang tiah a chim.
Cun,Zunthlum zawtnak cu ningcang tein a ding-ei mi hna caah cun a hrial in hrial khawh a si tiah a chim.a bik in a thlum mithil hna le a al mi thil paoh paoh cu kan hrial awk a si.kan taksak nih a herh tawk tein mah le mah nih ramri i tuah in kan ei -ding awk a si.Zuntlum zawtnak kan hrial khawh nak ding caah cun a bik in a thlum-al ei din kan i sum a herh bik.cun, Zuntlum zawtnak kan ngei ti a thei mi hna nih cun kan ngeih ti kan i theih bak in,mah te in si-ai eidin lo in Sibawi pakhat khat sin ah kal in an kan chimh cawn piak ning tein ei-din thiam kha a herh bik ko tiah a chim.cu pin ah a tu lio Valwei cungah a lar ngai mi “LAYS” tibantuk pawl hna hi kan ei lo ah a t’ha bik.
Source: CBN
