Tuzing ah Egpyt ram chung a si mi Tahrir Square khuapi chung um khrihfa mi hna le Muslim pawl hna cu ruahlo pi in a bu bak in an i vua hna.hi tibantuk in an i vuak ruangah Muslim pawl hna nih khrihfa mi hna cu minung 24 an thah hna i a dang minung 200 renglo hna nih hliamhma faklak in an tuar tiah an chim.
Hi konghe pehtlai in Egpyt Security forces pawl hna nih an chim ningah cun zei ruangah dah hi Muslim pawl hna le Khrihfa mi hna hi an buai tiah an buainak a ruang taktak theih khawh a si lo.dothlatnak tuah cuahmah lio a si tiah an chim.a tu tiangah cun a ruang theih khawh a si rih lo tiah an chim fawn.
Cun, cuhlan ah cun Egpyt ram chungah a tu bantuk in Khrihfa mi hna le Muslim biaknak karlak ah buaibainak hi a chuak lengmang.asinain cu ruang kha ruangah a si tiah theih khawh lengmang an si.a mah belte a tu ah cun an buai nak a ruang hi Muslim pawl hna zong nih an chim lo Khrihfa mi hna zong nih an chim lo tiah an chim.
Cun, hi an buainak ruangah a thi mi hna le hliamhma a tuar mi hna hi Egpyt Security forces pawl hna nih tawlrel cuah mah lio hna.an mah belte Khrihfa mi hna le Muslim pawl hna karlak thil kongah Egpyt cozah nih zei hmanh a chim mi a um loh.hi tibantuk in Biaknak lei ah Muslim le Khrihfa mi hna karlak buaibainak hi t’ihnung a si kho bak cang.
Nichuahlei Jerusalem ah Isreal palik pawl hna le Palestin muslim pawl hna zong an i phomh cuahmah peng ve. Muslim pawl hna hi i pehtleihnak an neih dih bak tuk in thil t’halo taktak a chuahter khotu an si cang!
Source: Dailyrecord
