Egypt cozah ralkap le France cozah ralkap hna cu Mediterranean Sea rili ah kaphnih cozah ralkap i fonh in raltuk an cawng cuahmah ve cang tiah an chim.cun kaphnih cozah ralkap hna nih a tu bantuk in raltuk cawnnak training an tuah khawh mi hi hlan lio pi Egyptian Armed Forces pawl hna nih ramdang cozah ralkap pawl hna he i pehtleihnak an rak tuah hnu lawng ah a tu bantuk in raltuk cawnnak training an tuah khawh mi hi a si tiah an chim.
Cun,a tu i Egypt cozah ralkap he Mediterranean Sea rili ah raltuk a cawng cuahmah mi France cozah ralkap pawl hna lak ah hin Egypt Navy unit ralkap pawl hna zong an i tel pin ah France cozah nih a ralkap hna lak ah a zoh thla taktak mi hna France surcour ralkap pawl hna zong an i tel chih tiahg an chim.
Egypt cozah nih hin cu hlan ah cun Arab cozah ralkap le Africa ralkap pawl hna cu a tu bantuk hin raltuk cawnt’i nak tarining a rak tuah pi bal cang hna,asinain France cozah ralkap he a tutan i an cawlcangh ning he tahchun ah cun chim awk a tlak lem lo tiah an chim.zeicatiah cun Egypt le France cozah hna hi a rak i hua ngaimi an si i a tu bantuk in kap hnih cozah rian kan t’uanti kho lai tiah an rak i ruah lem lo mi a si caah an i lung hmuih khun nak cu a si tiah an chim.
Kum 2015 lio ah khan Egypt nih France cozah cu a raltuknak tilawng (Minstral warship)caw dingah biachahnak a rak tuahpi i kum 2016 june thla ah khan felfai tein an rak i pe chan kho.cu hnu ah France nih a sermi a raltuk nak vanlawng Rafale fighter jet 11 zong a rak cawk bal cang tiah an chim.
Source: BBC